華仔與鴨共浴
最近紅遍全城的黃色巨鴨後日至6月9日會亮相尖沙嘴的海港城海運碼頭，有關方面並找來劉德華與巨鴨拍照造勢。拍攝當日，團隊及工作人員一行數十人，佔用了碼頭一大個位置準備，非常大陣仗。工作人員先把鴨放在海中充氣，由於現場風勢不弱，花了一段時間才成功用石躉固定鴨子。
華仔就跟團隊夾好時間準時現身，「鴨爸爸」、荷蘭概念藝術家霍夫曼（Florentijn Hofman 圖左）與華仔一見如故，兩人不停傾談鴨子的製作過程及環遊世界的歷史。問華仔小時候有否玩過沖涼鴨時，他說：「有呀！記得細個玩過沖涼鴨，更要媽咪特登搵個盆仔放水畀我沖涼。今日見到佢好似返去童年，但佢變大咗。我仲知道今次海上展覽為『心晴行動』籌款，幫助精神或情緒病患者。」
撰文：葉雪
|
鍾意就快D Share啦！
|
|
|