林峯睇唔實 千語 BB夜會西裝男

千語 BB同男性朋友離開 CEO Neway。呢位男性友人其實係一本英文雜誌嘅編輯，英文名叫 Jimmy，同唔少藝人相熟。同千語 BB咩關係？ Friend啫！

FBI

林峯睇唔實　千語 BB夜會西裝男

自從吳千語同咗林峯拍拖，事業即刻坐火箭咁直上。雖然林峯𠵱家喺橫店拍劇，但千語 BB亦唔愁寂寞。上週二（ 30日）吳千語出席完活動後即刻 call齊朋友去玩。千語同班 friend先去雪廠街食西班牙菜，之後仲去咗糖街 CEO Neway唱 K，唱到淩晨三點幾先捨得走。

吳千語走嗰陣除咗拖住位女性朋友，不過亦有位西裝骨骨嘅男仔一直傍實千語 BB，一行三人齊齊搭的士去咗西灣河一棟住宅單位。千語同 FBI講要上去同朋友吹水，半夜三、四點仲唔返屋企，冇林峯睇住變咗甩繩馬騮喎！

離開 CEO Neway，一行三人上的士，男性友人讓千語 BB先上車。千語 BB孭住嘅 Chanel Boy手袋價值 3萬 1千，唔知係咪碌峯峯咭買呢？

千語落的士後勁識做，專登停低同 FBI講上朋友屋企吹水，同飲咗少少酒。

過兩日， FBI撞到千語 BB去茶餐廳買外賣，佢顯得好攰，唔通蒲得太多？

鍾意就快D Share啦！

下一篇 》