玉女接棒 羅子喬 Bella

Beauty Hunt

玉女接棒　羅子喬 Bella

最近被王晶睇中的新人羅子喬（ Bella），於電影《爛滾夫鬥爛滾妻》中，拍住杜汶澤和𡃁模始祖周秀娜一齊拍戲，起步算唔錯。

其實 Bella跟剛奪金像獎「最佳女配角」的 DaDa陳靜為同門姊妹，師姐靠戲唔靠剝獲得演技肯定，師妹 Bella更加拒絕行性感， 25歲的 Bella唔怕娘，話要似第一代玉女掌門人周慧敏， Bella說：「寧願行慢啲，都唔想以行性感做捷徑！」

雖然話 DaDa在《低俗喜劇》中演技獲肯定，但片中 DaDa唔多唔少都有穀胸鏡頭出現，同為經理人施念慈旗下的 Bella，卻表示性感一定 no way。 Bella說：「好似 DaDa咁凸點，我一定唔得，我寧願行慢啲都唔想似𡃁模咁，靠行性感做捷徑，我想似偶像周慧敏，用玉女感覺示人。」

Bella（右一）首部電影《爛滾夫鬥爛滾妻》飾演杜汶澤其中一名女友，而第一代𡃁模周秀娜（左二）飾演杜的老婆，其餘還有梁政珏（左一）和 E Cup超蓮 Iris（右二），性感重任留番畀佢哋！

阿澤奪初吻

今次有幸被晶哥揀中，於電影《爛滾夫鬥爛滾妻》中飾演杜汶澤其中一個女友。首次拍戲便將熒幕初吻獻畀杜汶澤， Bella自言心情超緊張。

「真係好緊張，好彩第一次拍戲都冇乜 NG，事前晶哥同阿澤都教咗我好多做戲要注意嘅地方，我希望一直可以喺電影方面發展。最希望梗係想似 DaDa咁，有機會獲提名啦！」

Bella（右）其實 4年前已簽畀施念慈旗下做 DaDa師妹，不過 Bella當年因掛住拍拖而冇心工作，如今她自言會全力再起步。

Profile

姓名：羅子喬 Bella

年齡： 25歲

身高： 165cm

三圍： 34． 25． 33

興趣：瑜伽、跳舞、武術

偶像：周慧敏

採訪、撰文：魏紫嫦

攝影：葉曉明

形象： Bryan@the Flaming

服裝： Pinky Girl

髮型及化妝： Mable Ng

鍾意就快D Share啦！

下一篇 》