錫到嘴歪
袁偉豪、萬綺雯首日開工，即拍激吻戲，仲拍咗 5、 6個鏡頭。除咗有一個鏡頭借位外，其餘全部真錫。
真面目
出軌靚太 萬綺雯奸爆勾佬
《金枝慾孽•貳》大結局玩夢中夢，穿插《金枝 I》片段更顯得所謂續篇難捱，最終收視仆到得 22點埋單。
緊接播映嘅《好心作怪》有元祖師奶殺手苗僑偉，再加 42歲防腐萬綺雯，黃宗澤孖周麗淇等孭飛。據知《好》劇除有萬綺雯首度演奸角，仲會出浴任睇，更同細佢 10年嘅袁偉豪車震激吻加床戰，蚊蚊又教飾演人妻嘅 JJ點樣姣老公行房。有曬呢啲場面，就算師奶唔睇，老豆阿仔都會捧場啦！
42歲萬綺雯去年加入無綫，首部作品《老表，你好嘢》大收，劇中飾演好人社工角色獲正評，估唔到在新作《好心作怪》中，萬綺雯除大轉變演奸角，更會搞人老公變狐狸。
咀兒時偶像
萬綺雯劇中飾演三哥老婆，初時恩愛，之後因為三哥換咗黄宗澤個心，導致性格大變，夫妻感情轉淡，令萬綺雯出軌去勾人老公（袁偉豪）。其中一場車震戲，更係二人首次合作開工即拍。袁偉豪說：「當日等緊飛紙仔，未收到前，我仲同蚊蚊講笑話，我讀小學嗰陣睇緊《點解阿 Sir係隻鬼》（ 92年亞視劇），你仲係我偶像嚟，點知收到張紙仔，第一場就要我同佢喺車廂激吻，拍咗 5、 6個 take左右啦！」
搞埋人妻
除咗車震戲，萬綺雯仲會同袁偉豪有唔少激吻戲，更有場出浴戲。她說：「出浴戲好少事啫，我有名打底王，只係露下背；反而同袁偉豪就係咁錫，幾乎拍親我同佢都錫，錫到咀都歪埋，多到我都唔記得。」
除咗場面夠爆，劇情亦相當踩界，戲中萬綺雯更會教飾演人妻嘅 JJ點樣姣老公，引老公上床。她說：「我個角色唔係大奸大惡，不過啲師奶觀眾應該對我又愛又恨。」教點引老公上床，師奶可能會覺得套劇有教育意義呢！
各自偷食
《好心作怪》劇中主角幾乎個個有偷食，連黄智雯同黄宗澤都有一夜情再色誘王浩信，關係亂到咁，唔知師奶會唔會又睇唔明呢？
袁偉豪話一直視萬綺雯為偶像，當時得 10歲的他，睇住 21歲萬綺雯孭飛嘅《點解阿 Sir係隻鬼》，估唔到事隔 22年終有機會錫偶像。
HKTV冇飛紙仔
一直被人話成日唔齊劇本，要飛紙仔嘅無綫，就連今週播映嘅《好》劇都係飛紙仔完成。反而上週喺 YouTube狂放片花嘅 HKTV，原來全部都係齊劇本先開工。其中網友最 like嘅《警界線》，暫時有 17萬點擊。孭飛嘅智叔話：「齊劇本開工先係理所當然，去到現場先知拍咩，演員會有好多問號，好難演得好。」
|
鍾意就快D Share啦！
|
|
|