樂基兒陳欣健 TB女 峇里黐埋玩

Gaile坐喺浮床歎白酒，而 Joanne就喺水中幫浮床吹氣，兩個都玩到鬼咁開心。(網上圖片)

FBI

樂基兒陳欣健 TB女　峇里黐埋玩

撇甩人妻身份不足半年的樂基兒（ Gaile），自從同黎明 say goodbye後， Gaile幾乎長駐印尼峇里風流快活，日日同新西蘭籍新歡 Cuz及一大班 friends吃喝玩樂，陽光海灘生活羨慕死人呀！

早排有傳 Gaile跟 Cuz閃婚，更流出二人十指緊扣照，不過 Gaile上週難得返香港出席活動，就講明唔講感情事，「我同 Leon已分手，我同任何人拍拖都唔關任何人事。」仲講明唔想再戀港男！

Gaile雖然謝絕港男，但港女就唔抗拒，最近就同韓君婷嘅前同性密友 Joanne陳早茵（陳欣健大女）黐埋玩。 FBI喺 Joanne嘅 Instagram發現佢上載咗多張同 Gaile、仲有一班女性朋友喺峇里喪玩嘅相，相中 Gaile同 Joanne玩到攬頭攬頸鬼咁開心。掉轉以前有黎明睇到實， Gaile點可以同同性玩得咁埋呀？

峇里食好住好， Gaile唔只靚咗仲肥咗。上星期佢返港出席活動，腰部啲腩肉唔覺意泌咗出嚟，不過鬼妹仔性格嘅 Gaile當然唔介意。

上星期有報章刊登一張 Gaile同 Cuz疑似拖手相，相中 Gaile同 Cuz影大合照都要靜雞雞拖手，好鬼 sweet。《蘋果日報》圖片

陳早茵係陳欣健（中）大女，最近佢就同咗父母去曼穀旅行。 Joanne一向好受同性歡迎， 08年《 FACE》就影過佢同楊受成細女楊黛思孖住行街街。(網上圖片)

層層叠

網上圖片

一班女仔玩到癲起上嚟， Gaile（中）仲用手箍實 Joanne搞到佢作狀窒息。

燕式平衡

由水面玩到落水底， Gaile（右一）來個燕式平衡，甫士好誘人。陳早茵三點式一件頭都唔着，背心及膝褲，保守又 man。(網上圖片)

Joanne（中）擔住口煙影相，一隻手仲攬實 Gaile條腰，勁 happy。(網上圖片)

Gaile長駐峇里後，日日同一班志同道合嘅外籍朋友吃喝玩樂，過住半退休生活。(網上圖片)

鍾意就快D Share啦！

下一篇 》