戴口罩赴會
9月 12日，本刊發現林欣彤和陳家樂於銅鑼灣密會，戴上口罩的林雖然身高差男方一大截，但二人離奇地合襯。
娛樂喧
抑鬱症搞散巨聲戀 林欣彤轉嗒同門奀星
林欣彤（ Mag）早前於電台活動自爆與同是「巨聲幫」的羅孝勇（ Sheldon）分手。從未承認戀情的她，突然公開與羅孝勇畫清界線，令人費解。
據知林欣彤去年患上抑鬱症，長期自閉在家，性格外向的羅孝勇不甘寂寞便頻頻出去夜蒲解悶，林於是決定怒斬三年情。
舊嘅唔去，新嘅唔嚟。近日林欣彤就搭上同公司奀星陳家樂。 9月 12日，本刊便發現二人甜蜜嘆咖啡，迅速展開新戀情。
因聲帶出現問題停工的林欣彤，近日為剛推出的新碟四出宣傳。一直密封戀情的她，上月中出席活動時，強調與羅孝勇已變成朋友關係，為三年情畫上句號。其實他們前年因參加《超級巨聲 2》而結識，兩人更發展到同居階段。可惜，因林欣彤的抑鬱症令雙方關係日漸轉差。
諗過𠝹手輕生
去年，林欣彤聲帶撕裂無法工作，引發抑鬱症。知情人士說:「佢失咗聲，作為一個剛出道嘅歌手，真係好徬徨。當時成兩個月無開聲講嘢，淨係匿埋屋企。嗰時佢同 Sheldon（羅孝勇）一齊住，初時 Sheldon都日日陪住佢，但始終 Sheldon性格外向，點會咁定性成日喺屋企照顧個病人，加上女友情緒起伏大，佢惟有頻頻外出搵朋友解悶。久而久之，佢哋嘅關係愈來愈疏離。」
早前接受訪問的林欣彤，自揭患抑鬱症期間試過𠝹手自虐，亦曾寫下遺書萌起自殺念頭。直至其胞弟在她面前痛哭哀求，她才恍然大悟，從病榻中醒來。「有病梗係想有人關心，因為之前拍戲而熟絡嘅陳家樂就不時開解阿 Mag，比 Sheldon仲緊張。阿 Mag覺得有呢個人一直支持鼓勵佢，好感動。」知情人士說。
甜蜜約會家樂
得到陳家樂的細心關懷，林欣彤因此漸生好感。 9月 12日，本刊發現兩人到銅鑼灣咖啡店約會。為保護新戀情，林當日戴住口罩，更帶埋助手以作掩飾。當日林心情興奮，邊行邊甜絲絲講電話，步行到咖啡店會合陳家樂後，即除下口罩，與對方傾個不停，完全忽略助手的存在。其間，林更將自己飲過的咖啡遞給陳家樂飲，儼如一對小情侶。
力保新戀情
上周四（ 9月 26日），林欣彤出席新碟發布會，被問到新戀情時，她說：「啊……我同好多人飲咖啡㗎！（會唔會有機會？）唔……我都唔知喎，我同佢好 friend。（係咪有人追？）我諗應該都有啩，我都唔係好差啫！但係我都唔急。（因為同羅孝勇分手改變你嘅愛情觀？）其實都冇，我又冇去試過諗自己有咩愛情觀。我覺得最緊要相信，最終都會得到……每一段戀愛經驗都係得着，唔會有遺憾！」
一直未有就分手一事表態的羅孝勇，上周六（ 9月 28日）到電視城錄影。提到被林欣彤由好朋友降呢做朋友，他無奈說：「可能呢……近排我哋好忙，對腳又受傷，所以我哋就傾少咗，相處嘅方式唔同咗……係囉！由好朋友變咗朋友。」之後記者即告知他林欣彤已有新戀情，他尷尬說：「其實我都有睇呢單新聞，好似佢助手都喺度。」被問到是否仍留意舊愛的緋聞，他即煞有介事話：「唔係，只係留意香港發生咩事，我哋後生仔女，都係識吓新朋友啫！」
暴瘦 29磅
今年 23歲的林欣彤， 10年入行初期略帶 baby fat，身高五呎一吋的她，體重 114磅（左圖）。但去年她壓力爆煲，引發厭食症，搞到體重急降 29磅至 85磅。
|
鍾意就快D Share啦！
|
|
|