安排靚位
上月 19日，《超級無敵獎門人之終極篇》錄影，志偉刻意安排擔當禮物小姐的陳華鑫企個靚位，無形中增加對方出鏡率。
娛樂喧
共用髮型師 新劇預留角色 志偉特別照顧陳華鑫
曾志偉向來愛提攜後輩，對女後輩當然加多幾錢肉緊。本刊收到消息，最近志偉對上屆落選港姐 Gloria（陳華鑫）極力「照顧」，她除了被安排在《超級無敵獎門人之終極篇》做「禮物小姐」外，亦有份參演由志偉一手籌劃的劇集《 M CLUB》，早前仲升呢做埋《廠出新天地》節目主持。
被重用的陳華鑫，就連排場都升呢。 8月 19日晚《獎門人》錄影前，志偉的專用髮型師阿 Ray，竟親自幫她整頭。錄影期間陳又不時與志偉交頭接耳，看來二人關係密切。
上屆落選港姐陳華鑫（ Gloria），加入無綫不足一年，剛於今年無綫藝員訓練班畢業。樣子甜美的她入行資歷尚淺，但現時在無綫竟然身兼至少三個節目，忙到甩轆。
據知陳華鑫受力捧，全因與曾志偉有特別關係。知情者透露：「 Gloria入行前已經識志偉，因為佢爸爸同志偉係朋友，去年參選港姐志偉事前已經知道，仲講明會幫手照顧佢。雖然 Gloria落選，但好快就有嘢做，志偉同啲監製開曬口，叫大家俾多啲機會呢個女仔。今次《獎門人》都安排佢做禮物小姐啦！雖然行行企企，但有志偉睇住，冇人敢蝦佢。不過志偉唔想太高調，唔會公開講呢個係世姪女。有時收工去消夜，都刻意唔叫 Gloria，費事俾記者影到！」
8月 19日晚《獎門人》節目錄影前，曾志偉及錢嘉樂等人都在一廠化妝 set頭準備錄影，陳華鑫當時亦在一廠門外準備。此時志偉的專用髮型師阿 Ray從化妝間走出去找陳華鑫，仔細檢視她的髮型，並細心整理，之後再返回化妝間幫曾志偉 set頭。
錄影有交流
到正式錄影，陳華鑫站在曾志偉旁邊負責「數銀紙」，其間兩人不時交頭接耳，看似非常熟絡，不過當看見在場記者拍照，兩人又即時停止對話。
陳華鑫有高層關照其實有跡可尋，去年選港姐兩度遭淘汰但又兩度「復活」，當時已傳她被高層欽點。上月初，記者見陳華鑫在無綫西餐廳與訓練班導師鄭丹瑞撐枱腳，兩人午飯一粒鐘有傾有講，其間旦哥更出手觸及陳華鑫的喉嚨仔。原來唔止志偉，就連旦哥亦好錫住這位藝壇初哥。
周一（ 30日）晚《獎門人》錄影前，記者問曾志偉是否認識陳華鑫爸爸？是否特別照顧世姪女，所以安排她在 TVB內的工作？曾志偉對記者的提問全都充耳不聞，半句都沒有回應，只笑住急急腳行入化妝間。
陳華鑫：志偉好照顧我！
至於陳華鑫，對於自己「被照顧」，她緊張地回應：「獎門人（曾志偉）對個個都咁照顧，當然都好照顧我啦！佢好 nice㗎。（志偉安排好多 job你做，係咪識你爸爸？）我唔知喎！唔好意思，我要做嘢，拜拜！」身為世叔伯的曾志偉，照顧世姪女其實都好理所當然。
富爸爸背後撐腰
24歲的陳華鑫， 12年參加香港小姐，雖然未能晉身準決賽，在倫敦首回合被淘汰。但落選後順理成章加入無綫入讀藝訓班，跟鄭丹瑞學演戲，並於今年 6月畢業。
據知陳華鑫家底富貴，經常有 Benz接送，陳爸爸本身做珠寶玉器生意多年，在廣東道擁有地舖。此外陳爸爸亦認識無綫多位高層，與曾志偉最為相熟。陳華鑫入行後由屯門搬出來自住，現時以萬五元租住西貢南圍村屋。
|
鍾意就快D Share啦！
|
|
|