探熱針
舊愛超雲有新仔 陳山聰：我好 dry
陳山聰自今年四月被賭王何鴻燊三房長女何超雲狠撇後，便一直潛水無蒲頭，只偶爾被影到在澳門出現。據知，超雲自知過往與陳山聰拍拖期間過分高調，故甩拖後一改作風，絕跡社交網絡，刻意保密行蹤。早前，本刊在蘭桂坊發現超雲有新目標，與一名身形略胖的男友人約會，相反舊愛陳山聰上週五（十月十八日）只能與友人摸酒杯底飲悶酒五小時，問他有關超雲有新仔一事時即表現酸爆：我好 dry！
重新做人
做不成賭王快婿的陳山聰，慘變「四失聰」，失戀、失業、失財、失形象，有傳他返回澳門幫哥哥陳山海搞生意，本月初亦被拍到在澳門拖女慶祝哥哥生日，似乎已收拾好被超雲狠撇的四失心情。「佢有喺香港返工，唔想再好似以前咁高調，俾人笑都笑夠啦，佢而家只係想有番自己嘅生活，每個星期都會同啲朋友出嚟飲吓嘢吹吓水，做番個普通人，唔想大家再將佢同超雲擺埋一齊講。不過，聽講佢哋間唔中仲有短訊聯絡，但講咩就唔清楚。」陳山聰友人說。
絕跡社交網
早前，本刊在蘭桂坊撞到何超雲，只見她全程講電話，並教導對方如何揸車前來會合她，後來發現有記者，超雲面露尷尬笑容，問她最近忙什麼？為何絕跡社交網絡，她說：「回港做節，對 Instagram、微博冇興趣了，所以唔再玩。」說罷未幾，一名廣東話講唔正，但英文相當流利的肥仔，前來接載超雲，二人以英語溝通過後，肥仔便馬上開車護花，極速撇甩記者。
轉行從商
超雲有肥仔觀音兵侍奉左右，相對舊愛陳山聰，卻未見有新戀情，上週五（十八日）晚上八時，陳山聰與兩名男友人現身銅鑼灣世貿中心的 Hooray戶外餐廳，食晚飯兼飲白酒，三條麻甩佬摸酒杯底傾足五小時，淩晨一時多才離去。
雖然「四失聰」無咗條大水喉射住，但依然一身潮人打扮，問他有關超雲身邊有肥仔觀音兵一事，他即酸爆說：「我好 dry，日日都食雞胸跑步，都冇搵佢啦，唔好再問喇。」據了解，陳山聰正操 fit自己，預備參加明年初的馬拉松比賽，沒有想過回巢拍劇的他，已打算退出幕前，從商搞生意。
|
鍾意就快D Share啦！
|
|
|