海關照肺 Eason累街坊 Eason,陳奕迅,M1,

Eason七月開騷玩謝觀眾，心情好唱到十二點，唔 like就話「急屎」十一點唔夠收場，惹起不少觀眾投訴。

探熱針

海關照肺　 Eason累街坊

據了解，海關轄下的《商品說明條例》部門，早前聯袂海關急召全港演唱會搞手主辦商，就近年多宗不依時開騷、節目貨不對辦及有人違規，帶同未足齡兒童入場等多宗投訴及新條例作出講解，並希望業界自律。

明眼人都睇得出，矛頭直指今年七月在紅館舉行了 25場個唱，遲開早收鬧埋歌迷的陳奕迅。

其他影片

急召開會

去年五年，阿徐在機場博覽館舉行的「 Lady GaGa演唱會」上，偷運七歲康堤入場，犯了嚴禁十三歲以下兒童入場的規條。

隸屬海關的《商品說明條例》部門，就早前接獲大量關於演唱會貨不對辦的投訴，近日急召全港演唱會搞手開會，講解就某些投訴新修訂的條例，亦勸諭業界自律，若再有相類投訴，將有可能發出警告或進一步行動。

據當日一位有份代表公司出席的知情者說：「我哋屬於服務性行業，即係商品。有好多人投訴個唱飛寫明八點三開騷，但好多歌手八點九甚至九點幾先開，甚至有人投訴 Eason之前講過唱嘅歌又冇唱，心情唔靚就唔 encore早收場。」

徐濠縈違規

Eason個唱搞手兼經理人陳家瑛闊佬懶理，當日拒派員出席海關會議。

知情者聲稱，會上舉出很多不同的投訴事例，例如有某類型演出，主辦會規定不可帶未適齡的兒童入場，例如去年中，徐濠縈公然偷運了只有七歲的女兒康堤，到嚴禁十三歲以下兒童進入的企位睇 Lady GaGa；阿徐當時還口口聲聲說現場工作人員沒有阻止，累主辦商被責。

由於不少投訴衝住 Eason而來，偏偏當日陳奕迅個唱主辦（ Katie Chan Production）卻未有派員出席。

開騷迴避

記者就事件分別向東亞、英皇、耀榮娛樂等多間主辦商求證，他們均承認曾派代表出席會議，但對於是否 Eason累街坊？即將開騷的鄭伊健、左麟右李、容祖兒均表現避忌， Joey的經理人則將問題交演唱會部門回應。

「其實嗰次開會，係等我哋了解啲條例，有啲乜嘢情況啲人會投訴，叫我哋留意吓，無直接話係 Eason引起嘅。」英皇演唱會製作部負責人 Alex Fung說。

佢咋！唔關我哋事呀！（設計對白）

左麟右李將在十二月初舉行十多場十周年演唱會，面對新例，唯有格外小心。

身為「耀榮娛樂」老闆的張耀榮表示，冇人想收到投訴，但有時有意外遲開騷，會主動向海關解釋。

鄭伊健聯同小春及謝天華等，在十一月舉行四場「歲月友情演唱會」，現正緊密排練。

Joey將在聖誕及新年檔期舉行個唱，就有關「海關照肺」問題， Joey經理人拒絕回應。

冇派代表

至於 Unusual發言人梁先生稱：「唔係咁大件事，講咗啲投訴例子，例如遲開騷、唱少咗歌之類，但好多都係個人感受，佢哋都未必受理，就算受理都會聽我哋解釋。（有冇講 Eason？）佢哋舉咗好多例子，但無講明邊間公司、邊個騷、邊個 artist。（ Katie公司有冇派代表嚟？）冇！我唔覺眼。」

而東亞娛樂方面，發言人梁小姐表示，會配合海關新修訂條例做事，希望盡量做到睇嘅觀眾同做嘅歌手都開開心心。有演唱會之父之稱的張耀榮，因為一直開會未能聯絡得上，其公司負責人表示張生當日未能親自出席會議，但有派代表出席，亦知道會議內容，一切會以觀眾意願為先，亦會迎合海關要求，不會觸犯條例。

鍾意就快D Share啦！

下一篇 》