全城熱爆的娛樂八封新聞 & 時事趣聞 & 生活 + 趣聞
台慶劇《法外風雲》上星期二（十月二十二日）拉隊去九龍灣做宣傳，除咗被指同伍詠薇唔妥嘅陳法拉冇蒲頭，主要演員全部到齊，仲扮曬拳手，互揪！
陳豪同黎耀祥拳來拳往，打假拳打到七情上面，王浩信亦自動剝衫同陳智燊過招，但最好睇又至啱睇嘅，始終係曬 D胸穀收視嘅高海寧。 除咗伍詠薇、謝雪心驚嚇親街坊，又外套又長褲加曬料外，高海寧保持原汁原味，跟足無綫安排，著住緊身背心同波褲仔見人，做熱身運動嗰陣， 34D隨住唔同動作變化萬千，真係睇都睇到㷫曬！ 高海寧唔錫身，可惜劇集收視依然破唔到三，白費心機！
打側睇同向前睇，唔同動作，唔同效果。
做完熱身，扮跨繩上擂台嗰下，一樣咁好睇。
心 auntie雖然全副運動裝上陣，但佢依然要話俾大家知，有料嘅，唔單止係高海寧。
冇肉曬！伍姑娘呢招擘大口側身飛腳，身體平衡得相當唔錯。
陳豪、黎耀祥打假拳打到真嘅一樣，抵你哋做視帝。
曬肌王浩信想剝陳智燊衫，可惜明珠猛男唔就範。
