契完即棄 Juno炒陳自強魷魚 Juno,陳自強,麥浚龍,M1,

探熱針

契完即棄　 Juno炒陳自強魷魚

入行十年，三年前轉戰電影圈的 Juno（麥浚龍），有老豆揼水開戲自己捧自己，又同前成龍經理人陳自強上埋契合組公司，搵對方搭通天地線拍 cult片攻日本市場，但 hea足兩年有多， Juno認為契爺「幫唔到手」兼倒水，早前已將每月袋十萬的陳自強炒魷。

其他影片

冇乜聯絡

上週一（十月二十一日）晚， Juno籌備兩年，投資二千萬的新戲《殭屍》首映禮，新戲參加了多個國際電影節， Juno又被提名金馬「最佳新導演」，當晚有不少圈中人俾面撐場。

頭威頭勢，初做導演兼老闆 Juno全晚風騷拖住日籍監製清水崇滿場飛，反而兩年前跟他合組公司的陳自強卻姍姍來遲。

過去幾年， Juno不時孖住契爺陳自強出席活動，就連加片酬、拍危險場面都問過老人家，但近日做新戲宣傳時大多單拖出現，亦甚少提及對方。原來自從有日籍恐怖片大師清水崇做扶手棍後，這一年來， Juno已經鮮有跟陳自強聯絡。

陳自強仍是電影公司顧問時， Juno陪住契爺周圍去，更會孖住 Willie上台。

殭屍首映禮上，演員及撐場嘉賓都知道當晚的 dress code以黑色為主。

電影《殭屍》獲邀到不同國家出席影展， Juno孖住的都是日籍監製清水崇，陳自強唔見影。

月薪十萬

「 Juno幾個月前已經炒咗 Willie（陳自強）魷魚！當初搵契爺一齊搞電影公司，都係想借佢老人家嘅人脈網絡同打入日本市場，不過過咗兩年，拍咗套《保衞戰隊之出動喇！朋友！》，之後話會搵關錦鵬監製一套同周冬雨合作嘅文藝片，結果又冇曬聲氣。其實○七年冇再幫成龍之後， Willie今時不同往日，就算佢親自出馬去日本，都冇乜嘢搞到出嚟，所以呢兩年都冇嘢做到；就算今次係 Willie嗌惠英紅、鮑起靜同陳友幫 Juno拍《殭屍》，但 Juno見每個月出成十萬蚊糧俾契爺，又幫唔到幾多，梗係 cut啦。」知情者說。

契仔用完即棄，有過幫成龍開山劈石，到頭來不歡而散的創傷後，跟 Juno只得幾年「感情」的陳自強，已不似當時，晚晚借酒消愁，首映禮當晚，更刻意悉心打扮，好頭好尾。

「嗰晚 Juno有 dress code，叫大家著黑色襯番套戲嘅 mood， Willie同佢咁少聯絡，梗係唔知，所以咪著到成身紅咁去睇首映。」 Juno身邊人說。

陳自強前年七十歲大壽， Juno也以契仔身份出席，昔日仔女鍾楚紅及張曼玉等亦有現身。

11年拍的電影《保衞戰隊之出動喇！朋友！》，據聞 Juno只給陳自強做掛名監製，名存實亡。

在電影《保衞戰隊之出動喇！朋友！》中， Juno擔正做正義化身。

Juno這日為《殭屍》四出做宣傳，他跟男主角錢小豪、陳友接受訪問時高談闊論。

Juno首次執導的《殭屍》，獲多個影展垂青，一班老戲骨功不可沒。

曾經風光

72歲的陳自強， 90年代被稱金牌經理人，一手將成龍由香港打入日本市場到躋身國際。事業輝煌期，手執張曼玉、鍾楚紅、張學友、王祖賢、鄭裕玲、關之琳等巨星；後期亦有為吳彥祖及陳冠希出過力。

07年成龍不顧恩情，將一手打造他成為巨星的陳自強踢走，難以承受炒魷打擊的他，一度意志消沉，終日借酒消愁。 11年，陳自強獲金像獎頒發專業精神獎，表揚他在業界的貢獻；張學友更在紅館個唱為他獻上一曲《 My Way》，藉以感激對方。

鍾意就快D Share啦！

下一篇 》