全城熱爆的娛樂八封新聞 & 時事趣聞 & 生活 + 趣聞
專登帶囡囡過海睇聖誕燈飾嘅甘比，攞住手機幫寶貝女影相，兩保鑣隨行外，場地亦派出兩名職員在旁照顧。
仲有一個月就聖誕，尖沙咀海港城嘅燈飾已經著咗成個禮拜，附近一帶，逼上加逼。但估唔到，身嬌肉貴嘅甘比唔怕塞車又塞人，上星期五（十五日）近放工時間，佢帶埋囡囡秀樺，去咗海運海旁同班自由行爭位睇燈飾，又用手機幫囡囡同迪士尼動畫公仔影相。
貴賓到此留影，兩母女有兩保鑣貼身傍住外，場地亦派出兩名職員戙響旁邊幫手𥄫實。現場雖然人逼人，但甘比一眼關七，發現《壹》仔鏡頭後，第一時間拖住囡囡，行去上車走人。 即係咁，日日福臨門都幾悶，甘比搵機會帶囡囡 feel嚇人間生活，係啱嘅！
