子華稱帝冇影 阿田雙料封後
《萬千星輝頒獎典禮2013》視帝視後昨晚誕生，大熱的「Cool魔」張智霖大熱倒灶，被身在上海的「教主」黃子華擊敗奪帝；田蕊妮則揮抵大熱的鍾嘉欣，憑《巨輪》成為雙料視後，上台領獎時兩度爆喊，而今年大熱劇集《衝上雲霄II》則成為「最佳劇集」！
田蕊妮《巨輪》
最佳女主角
最受歡迎電視女角色
Chilam的「Cool魔」角色Hit爆，攞獎實至名歸！
張智霖 《衝上雲霄II》
最受歡迎電視男角色
雖然子華冇到，但依然攞視帝，「教主」果然犀利！
阿田首奪視後即打孖上攞獎，難怪喊到收唔到聲，還與勁敵鍾嘉欣攬攬。
《衝上II》奪「最佳劇集」，台前幕後齊齊上台領獎。
洪永城與黃翠如成為「最佳節目主持」得主，笑到見牙唔見眼。
嘟姐（左）致電子華恭喜稱帝兼代對方領獎，非常興奮。
吳鎮宇與馬國明在台下等待宣布視帝，馬國明再現呆樣。
得獎名單
無綫《萬千星輝頒獎典禮2013》昨晚假將軍澳電視城舉行，頒獎禮共設14個獎項，今年視帝及視後由新機制選出，由逾800個專業評審團和觀眾各佔一半分數選出，而「我最喜愛的電視男、女角色」則由市民公投選出。賽前張智霖（Chilam）、黃子華和馬國明等都是視帝大熱，Chilam更被看高一線，但賽果有點出人意料，結果53歲黃子華憑劇集《My盛Lady》奪視帝，而視後則由早前成為「藝員眼中的視後」的田蕊妮首奪，她憑《巨輪》「倀雞英」摘下視後寶座，更再下一城兼奪「最受歡迎電視女角色」，成雙料視後。
喜極而泣多謝阿澤
現年36歲的田蕊妮於2006年由亞視過檔無綫，她在台上接過黃秋生頒發的視後獎項時早已忍不住淚水，心情激動爆喊，她感激20年前帶她入行的高層餘詠珊、父母和老公杜汶澤：「我估唔到攞獎，以為最多攞角色獎，依家好緊張，多謝老公杜汶澤，咁多年來咁支持我，畀冇負擔嘅環境我，等我咩都唔使諗，淨係做我鍾意做嘅嘢！」其後，大會頒發「最受歡迎電視女角色」，她以100,614票觀眾票數奪獎，再度爆喊的她說：「我知道呢個係我開始，我唔會有壓力，唔會驕傲，會努力拍更好嘅戲！」
隔空領獎讚有認可性
而視帝由身在上海的「教主」黃子華所得，其寶座由好友鄭裕玲代領，嘟姐即場致電子華，他不忘發揮搞笑本色地說：「你好似一、兩年都冇打過畀我，我依家喺上海。（你拎最佳男主角！）多謝！係咪即係視帝呀？有幾多個視帝，係咪得一個？咩人選我出嚟。（評審同觀眾！）咁真係好有認可性！」至於Chilam最後以77,948票奪「最受歡迎電視男角色」，他上台後致詞時似有弦外之音：「TVB係咪唔鍾意我？點解要全民投票先有呢？親生仔女係可愛，但有種仔女都好可愛，當你需要時及時出現，嗰種叫義氣仔女！」卻被網友指他寸無綫寸到出面，更指他明顯對賽果不滿。至於「最佳劇集」則由《衝上雲霄II》奪得，一眾藝人上台領獎，當時姍姍來遲的吳鎮宇夾啱時間上台，獲全場起哄大叫「Sam哥」。失落視帝的吳鎮宇表示賽果正常冇失望，對於好友秋生想返無綫拍劇，他笑說：「佢係長輩級，唔通想頂劉丹《愛．回家》個位？佢一定係兒孫滿堂！」而未能封後的嘉欣受訪時表示沒有失望，明年再努力。「最佳節目主持」由洪永城及黃翠如憑《走過浮華大地 亞洲篇》得獎，洪永城High爆說：「打個車輪先。」對於Chilam大熱倒灶，阿田直言感意外，對於對方表示「TVB唔鍾意我」，她想了想說「最緊要係觀眾鍾意啫！」另外，杜汶澤上載阿田得獎畫面，寫上「Ho Yeah」，原來他與古天樂等飲酒慶祝。他接受電話訪問時十分高興：「我知我老婆攞獎，我依家好醉。（今晚同佢慶祝？）接唔到喇！最緊要佢開心！」
田蕊妮《巨輪》
最佳女主角
最受歡迎電視女角色
Chilam的「Cool魔」角色Hit爆，攞獎實至名歸！
張智霖 《衝上雲霄II》
最受歡迎電視男角色
雖然子華冇到，但依然攞視帝，「教主」果然犀利！
阿田首奪視後即打孖上攞獎，難怪喊到收唔到聲，還與勁敵鍾嘉欣攬攬。
《衝上II》奪「最佳劇集」，台前幕後齊齊上台領獎。
洪永城與黃翠如成為「最佳節目主持」得主，笑到見牙唔見眼。
嘟姐（左）致電子華恭喜稱帝兼代對方領獎，非常興奮。
吳鎮宇與馬國明在台下等待宣布視帝，馬國明再現呆樣。
得獎名單
|
鍾意就快D Share啦！
|
|
|