Chilam寸無綫807票 扮民主
無綫前晚在將軍澳舉行頒獎禮，黃子華憑《My盛Lady》稱視帝，田蕊妮則憑《巨輪》封視後。今年視帝視後改由一半觀眾投票，另一半由無綫專業評審團畀分，大會更即場公開分數。但有網民發現無綫表面尊重民意，實則利用自己友組成的專業評審，以上帝之手來控制視帝人選，令憑《衝上雲霄II》成為民選視帝的張智霖（Chilam）輸給黃子華。
前晚無綫公開視帝雙方評審分數，子華在專業評審中得高分第一，但在觀眾投票只得第三，而估計是Chilam在觀眾投票中得第一，但專業評審只得第三，結果綜合兩邊分數，專業評審造就子華撼贏民選視帝Chilam。無綫日前公佈專業評審團由807人組成，全部是無綫的創作及製作人員，即是自己友玩曬，難怪昨日有網民批評無綫只是扮民主，實則內定視帝。
■張智霖前晚於將軍澳與粉絲慶功，難掩不屑表情。攝影：陳慧安
靚靚幫口寸無綫
Chilam慘被踢落馬，無綫送上最受歡迎男角色給他補數，Chilam得獎時寸無綫，完騷後他在將軍澳與粉絲開香檳慶祝，提到明寸無綫獲網民激讚，他說：「真係㗎，自己冇心理準備，大熱都會倒灶，最唔抵係輸畀老婆（靚靚袁詠儀）。」他又說：「呢個係TVB 807個員工嘅心水同意見，我會尊重。」不滿賽果？他說：「冇唔開心，唔係唔玩得呀？搞嚇氣氛，唔會咁小器。」
■Chilam在慶功宴上即席送鈪給靚靚，願賭服輸。
■子華在專業評審中得高分第一，但在觀眾投票只得第三。
之後Chilam與靚靚到北角慶功，靚靚說：「佢又唔係合約演員，遊戲規則就係咁。」由於兩公婆事前打賭，若Chilam失落視帝就送鑽石手鈪給靚靚，Chilam願賭服輸即場送禮，靚靚連講兩聲：「多謝TVB。」她再說：「如果要攞，《十月初五的月光》就攞咗。」但她昨日淩晨在微博暗寸無綫高層：「多謝TVB及807位專業評委，沒有你們神聖一票，這手鐲絕對不會在我手上！」無綫收到7宗投訴，指賽果不平。
採訪：唐寶妮、王崇穎
拆局：賽果揭示改朝換代
無綫頒獎禮賽果乏善可陳，但預示了改朝換代局面—餘詠珊率領的「外來勢力」冒起，樂易玲率領的「舊派系」失勢。往年頒獎禮，「親生仔」排隊上台領獎，但前晚一反常態，無論視帝黃子華、視後田蕊妮、最佳女配角江美儀，以至最佳主持黃翠如及洪永城等，不是外來勢力，就是沒經理人合約，反觀默默耕耘多年的鍾嘉欣、徐子珊及馬國明等統統食白果。樂易玲的舊派系失勢，難免令藝人產生離心。因此，坊間盛傳陳豪、林峯約滿後離巢，絕非空穴來風。
撰文：馮國康
■由有線過檔的黃翠如及洪永城奪最佳主持，顯示外來勢力抬頭。
戲裡戲外，話題最強，立即收睇《動戲場》:
extra/list/
|
鍾意就快D Share啦！
|
|
|