[FACE 343] Fiona抬唔起頭 Fiona,薛凱琪,MF,

為咗拍攝呢個失眠造型， Fiona喺條山溪瞓足 2個鐘，等打燈期間[!8576]電話打發時間。

FBI

Fiona抬唔起頭

轉投太陽娛樂嘅 Fiona薛凱琪首張大碟《 Tenacious》就快推出。今次阿 Fi嘅大碟收錄 10首歌，而每首歌都有特別造型，其中〈 F.night〉呢首歌由阿 Fi親自作曲、填詞。佢同 FBI講：「首歌講我失眠嘅狀態。我有時失眠係會朝早 6、 7點先瞓㗎，為咗配合呢個瘋狂狀態，所以個髮型會誇張啲。」 FBI聽聞佢呢個髮型相當足秤，有成 10磅重，所以阿 Fi基本上係企唔到，造型相全程都係瞓喺度拍攝。而相中墊住阿 Fi嘅黃色波點布，原來係床單嚟㗎，真係唔講唔知，阿 Fi話：「張床單我哋喺深水埗揾咗好耐，貪佢花紋夠特別。我拍呢個 shot嗰陣基本上成身濕曬。嗰日又凍，我差啲病呀！」近排勁多人病，好彩阿 Fi抵抗力勁咋！

張床單喺深水埗搵咗成日先買到，可惜冇防水功能， Fiona話：「基本上我背脊同下身全部濕曬。」下身？好有遐想啫！

由於個髮型成 10磅重， Fiona基本上唔係瞓喺度，就係爬喺度，完全企唔到，所以連睇番影咗嘅相，都要由攝影師服侍。

Fiona最近忙拍黃百鳴嘅《六福喜事》，戲中其中一幕講 Fiona喺公園發現冇人認領嘅 BB，而未埋位嗰陣 BB亦黐實 Fiona，激似真母子。

鍾意就快D Share啦！

下一篇 》