網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年12月31日 星期二

印度演員控訴 簽TVB臨記不如 TVB,

video


印度演員控訴 簽TVB臨記不如

印度演員簽TVB 控訴臨記不如

曾參演無綫劇集及電影的印度演員Singh Hartihan(Bitto),約六年前由特約演員身份被無綫邀請簽約,豈料往後的待遇比特約演員還差,數月前要求終止合約被拒,令Bitto感無助。

Bitto昨日在九龍城接受訪問時說:「拍完港台《有房出租》經朋友介紹入無綫做特約,有日藝員部叫入房傾約話有多啲機會,但簽咗至知拍三日計一個騷,銀碼冇四位數,仲慘過做臨時演員。」他透露若跟白人臨時演員拍同一集戲,白人臨記的收入比已簽約的他多一倍。



■有兼職做籃球教練的Bitto,仍會繼續做兼職賺錢養家。

要求解約被拒

要求加人工的Bitto,只獲加了50元一個騷,騷價仍未達四位數,數月前要求再加時被拒:「佢話如再加就要加埋畀其他人,我要養家、仔細老婆嫩呀。」Bitto發覺簽約做自己人反而多勞少得,遂向無綫要求終止合約,回復自由身便可接其他電視台工作,但只是一廂情願。

Bitto說:「無綫話想取消好難,只會抽起份約,抽起即係唔會再有無綫人搵我做嘢,遲啲有線、港視,now開台,我做咗無綫就可以秋後算賬,我只係想白紙黑字清楚我唔係無綫人,但無綫都唔肯,總之唔想出信話取消合約大家冇關係。」



■Bitto自言蠢簽了沒年期的合約,但不明無綫為何不肯跟他終止合作關係。



■Bitto在《真相》中強姦陳茵媺一幕,令人難忘。電視圖片



■拍港台《有房出租》令Bitto(左三)廣為人認識。劇照

嘆無還擊之力

Bitto承認當日草率簽約,未看清中文合約條文及沒訂明年期,他說:「嗰時佢話畀機會,我又覺無綫一台獨大冇勁敵,係自己蠢咗,之前港視有搵過,但因未恢復自由身冇傾成。」Bitto也作最壞打算,若無綫堅持不終止合約,惟有只拍電影及兼職籃球教練:「無綫同其他大公司一樣有權力就控制一切,我哋升鬥市民可以做啲乜!」

記者昨致電黃國桐律師了解,他表示所有合約都應該有訂明年期,假若真的沒訂明,即表示Bitto可隨時離開,但他也懷疑Bitto有可能簽署一些附件,建議他弄清多一次合約內容,才嘗試解約。

採訪:朱小寶

攝影:陳順禎

戲裡戲外,話題最強,立即收睇《動戲場》:

extra/list/



鍾意就快D Share啦!