紅姑眼濕難忘故友嗌痛
跟阿梅相識多年的鍾楚紅（紅姑），昨晚在台上分享時坦言直至知道阿梅患病，兩人才正式有深入了解：「我哋多咗時間單獨相處，傾咗好多偈，Leslie（張國榮）嘅離開對佢打擊好大，佢哋好疼惜對方，我唔止一次喺Leslie口中聽佢講話好擔心阿梅，驚佢工作上畀人呃、驚情路上畀人蝦、驚佢唔唱歌唔演出，生活會係點？」紅姑稱從不輕易在人前示弱的阿梅亦曾大呻病情辛苦。
至於阿梅另一老友劉嘉玲則以一身全黑長裙出場，只引用包括《似水流年》、《夕陽之歌》等阿梅的歌曲歌詞：「浩瀚煙波裡，我懷念，懷念往年，曾遇你真心臂彎，伴我走過患難，曾遇上幾多風雨，交織我夢幻，俗塵渺渺天意茫茫，將你共我分開，斷腸字點點，風雨聲綿綿，似是故人來，I just say a little pray，不要將風雨驅散，Just give us a little time，朦朧夜雨裡。」隨即嘉玲的老公梁朝偉出場獻唱《朦朧夜雨裡》。
|
鍾意就快D Share啦！
|
|
|