店員攞咗幾款錶俾四太過目，助手影低相之後，拉隊走人。
同你吟一吟
同胞逼住四太冇癮
上星期五（三日）近放工時間，《壹》仔行經銅鑼灣波斯富街，見到平時中環出沒多嘅何鴻燊四太梁安琪，坐低喺間專賣貴錶嘅鐘錶店試錶。
VVVIP嚟幫襯，店員照例茶嚟水到，但可能地方所限，店內似乎不設貴賓房，就算好似四太呢類客，都要同其他客人（當然係祖國同胞）逼埋一齊，坐喺櫃枱前。
要同人逼埋手肘撞手肘，都幾冇癮㗎！不過八珍唔肯定四太究竟有冇落疊幫襯，只係見佢揭住本 Patek Philippe嘅 catalogue，又不時同身邊女助手交換意見，仲叫對方用電話將店員攞出嚟嘅貴錶影低相。
有幫襯冇幫襯都好，最緊要係四太肯移玉步，咁就有希望！今日唔買，下次囉！
|
鍾意就快D Share啦！
|
|
|