掃呢頁CODE去手機

2014年1月15日 星期三

[FACE 347] 小花 DJ 照抄黃婉曼開咪 淚主播黃紫盈:好難比較! 黃紫盈,紫盈,黃婉曼,MF,




首次著性感婚紗行騷,被大群記者圍住做訪問,黃紫盈顯得好 enjoy,佢話:「𠵱家機會唔錯,所以我改咗計劃。」放聲氣想入行。

真面目

小花 DJ 照抄黃婉曼開咪 淚主播黃紫盈:好難比較!

靚女對娛樂圈有憧憬,近年連新聞主播亦有心進軍星途。

先有黃婉曼做 DJ再變明星,在 TVB新聞部 5年的前主播黃紫盈亦開始接 job行騷做 model。

據知淚小花最新搞作將在電台開咪,實行照抄師姐上位舊路。

前無綫新聞主播,在電視面前流淚而成名的黃紫盈,自去年 11月離職後曾傳當公關,轉頭卻著低胸婚紗做 model,完全投入兼享受,仲講明想拍戲:「我覺得都會幾好玩。」

享受自由身

目標明確,又有中大師姐黃婉曼個案參考,黃紫盈除了勁接 model工作外,早前又在《 Roadshow》網誌寫專欄,而農曆年後更做開咪準備。雖然有傳王維基打算找她過檔做番主播,但黃紫盈說:「我農曆年之後會開咪講飲食,會喺電台同網上聽到啦,邊間同邊個拍檔就唔講得住,其實都有人想做我經理人,亦都唔抗拒機會嘅,不過暫時我鍾意自由身,想享受耐啲先!」

講新工作雀躍,之前黃婉曼亦曾在新城電台做過 DJ,對於被指照抄師姐舊路,黃紫盈就顯得頗抗拒:「我同佢都係中大畢業,不過我哋喺 TVB只係見過一次,我返工時佢就出咗去採訪,其實大家路線唔同,好難比較嘅!」乜啲口啓咁似電視台姐仔嘅?

中大校友

同為中大新聞系畢業,黃紫盈第一個收錢活動亦撞正師姐,但黃紫盈說:「我喺 TVB只係見過佢一次!」而黃婉曼亦曾對本刊說:「我有問佢去邊度做,佢冇答我!」

今年黃紫盈在報道曼德拉死訊時傳被張文采「恰」到落淚,聲名大噪!

寫旅遊 blog

黃婉曼入行前在雜誌寫專欄,黃紫盈亦在《 Roadshow》網誌內寫旅遊 blog,分享嚇旅遊經歷,據知只收取幾百元稿費,對此黃紫盈則說:「幾多錢唔想講喇!」

新年開咪

準備在農曆年後開咪,曾在新城做客席主持的黃紫盈好神秘,話拍檔同公司都未講得住,但問到佢現時有冇拍拖,佢又例牌話:「私人嘢唔答!」



鍾意就快D Share啦!