首次著性感婚紗行騷，被大群記者圍住做訪問，黃紫盈顯得好 enjoy，佢話：「𠵱家機會唔錯，所以我改咗計劃。」放聲氣想入行。
真面目
小花 DJ 照抄黃婉曼開咪 淚主播黃紫盈：好難比較！
靚女對娛樂圈有憧憬，近年連新聞主播亦有心進軍星途。
先有黃婉曼做 DJ再變明星，在 TVB新聞部 5年的前主播黃紫盈亦開始接 job行騷做 model。
據知淚小花最新搞作將在電台開咪，實行照抄師姐上位舊路。
前無綫新聞主播，在電視面前流淚而成名的黃紫盈，自去年 11月離職後曾傳當公關，轉頭卻著低胸婚紗做 model，完全投入兼享受，仲講明想拍戲：「我覺得都會幾好玩。」
享受自由身
目標明確，又有中大師姐黃婉曼個案參考，黃紫盈除了勁接 model工作外，早前又在《 Roadshow》網誌寫專欄，而農曆年後更做開咪準備。雖然有傳王維基打算找她過檔做番主播，但黃紫盈說：「我農曆年之後會開咪講飲食，會喺電台同網上聽到啦，邊間同邊個拍檔就唔講得住，其實都有人想做我經理人，亦都唔抗拒機會嘅，不過暫時我鍾意自由身，想享受耐啲先！」
講新工作雀躍，之前黃婉曼亦曾在新城電台做過 DJ，對於被指照抄師姐舊路，黃紫盈就顯得頗抗拒：「我同佢都係中大畢業，不過我哋喺 TVB只係見過一次，我返工時佢就出咗去採訪，其實大家路線唔同，好難比較嘅！」乜啲口啓咁似電視台姐仔嘅？
|
鍾意就快D Share啦！
|
|
|