網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月14日 星期五

[忽然1周 968] 超盈孖愛兒從政 四太棒打:淨係支持佢做嘢 超盈,MW,




企街扯煙

超盈與女友人晚飯後,即走出商場外當街連扯兩支煙,超盈明顯煙癮都幾深,扯煙手勢絕不是初哥,大力啜後仲露出高潮眼。

名人潮

超盈孖愛兒從政 四太棒打:淨係支持佢做嘢

24歲的何家四房長女超盈,性格向來反叛。前年她懶理阿媽四太反對,與林建嶽三女、愛作男性打扮林愛兒交往,還登堂入室住入林家大宅。直至去年 3月,超盈發生迷銅事件震驚全城。貪玩的超盈終於識驚,馬上搬返淺水灣道大宅,獲四太安排酒店業務工作,做個積極 OL。最近,四太更幫超盈入菁英會,進軍政界。

奈何超盈本性難移,本刊早前拍得超盈在街頭扯煙上電,之後更坐七人車返回林愛兒的九龍塘大宅。當四太無到,難怪四太得悉此事,向本刊記者㷫爆話:「我淨係支持佢做嘢!」

其他影片

向來感情複雜的超盈,自從跟舊愛 Greg分手後,隨即與林建嶽女兒林愛兒搭上,但自從迷銅事件後,超盈開始修心養性,亦向四太承諾與愛兒斷絕來往。自去年中,超盈不時陪四太出席活動到澳門傾公事,更幫四太打理酒店業務,每日朝九晚六。

頸歪歪

超盈唔使半分鐘就扯完半支煙,仲快過打針!

神情呆滯

連扯兩支煙嘅超盈,等司機期間又再次露出「迷銅記」嘅迷糊表情!

林家大宅過夜

飯後超盈坐 7人車返回林愛兒位於九龍塘的林家大宅。半夜自出自入,儼如女主人。

一家親

去年 5月,超盈與林愛兒及「奶奶」謝玲玲現身中環,氣溫 30度仲企街 5分鐘先上車,似足林氏家庭樂。

《 FACE》圖片

孖住撐超儀

超盈與林愛兒去年 12月齊齊現身音樂節派對,但發現記者影相後即彈開。

《蘋果日報》圖片

漏夜返愛兒家

雖然守行為期間盡顯乖女本色,但其實她與愛兒一直暗中有聯絡。「超盈上年俾佢媽咪身邊人 check到實一實,所以收工後第一時間返屋企,唔敢再去夜蒲,費事再激嬲四太。佢講就話唔再同愛兒接觸,但其實晚晚都同愛兒 WhatsApp。」知情人士說。

早前,本刊拍得超盈素顏現身九龍站圓方。記者發現當日她完全冇化妝,心事重重約了兩個女性朋友到圓方食泰國菜,又食又傾三粒鐘才埋單走人。飲飽食醉後,超盈與朋友浩浩蕩蕩行出商場外面食煙。正所謂飯後一支煙,快活過神仙,記者發現超盈唔夠十分鐘便連扯兩支煙,之後便坐七人車直抵愛兒位於九龍塘大宅過夜。看來超盈反叛個性再度發作,懶理四太反對,繼續與愛兒癡纏。

㷫爆回應

上周,四太梁安琪出席保良局活動,本刊記者問到超盈再次黐番愛兒及當街扯煙,即時㷫爆:「我淨係支持佢做嘢!」

愁爆 shopping

早前四太獨自於中環 ifc shopping,表現愁爆。未知是否早知囡囡再次黐番愛兒而擔憂。

拍住讀書從政

不過超盈翻黐愛兒未必衰得曬,事關二人近日齊齊為自己打入政界來鋪路。據知超盈經四太推薦,返內地到國家行政學院上堂,並完成課程獲得結業證書,有望晉身菁英會會員,參與社會事務。而愛兒知道超盈打算從政後,亦積極北上與高幹開會,了解國內政治及經濟,打算齊齊孖住從政。

上周五( 7日),四太出席保良局新春團拜活動,原本心情不俗的她,得悉超盈再黐愛兒即嬲爆爆。

記:記者 梁:梁安琪

記:最近超盈係咪菁英會畢業呀?

梁:係呀,係呀,你問嚇佢啦。

記:我哋最近影到佢食煙啲相,會唔會有失身份?

梁:食煙?你哋有冇食煙呀?(指著現場記者轉移視線)你哋班人。

記:最近佢同愛兒一齊番,你支唔支持?

梁:嚇!咩愛兒呀!我淨係支持佢做嘢!

看來超盈與愛兒雖然結伴從政,但似乎未過到四太嗰關。

超盈的微博,上載了她去年於港大畢業的相,賭王更親自到賀。

齊著畢業袍

林愛兒畢業於香港中文大學法律系,早前她哥哥林孝賢、嫲嫲餘寶珠和母親謝玲玲亦有觀禮。

孖住從政

大學畢業後,超盈即經四太推薦加入香港菁英會,早前更赴北京上堂,並獲得菁英會入會資格。

愛兒見超盈加入菁英會,亦跟到實,早前更親到北京拜訪,為打入政界鋪路。

解構菁英會

「香港菁英會」 2007年成立,由參加過國家行政學院等中央級培訓院校的香港青年組成,是一個網羅香港富二代的組織。

菁英會現有 558名會員,不少富二代都是該會執委,包括霍啟剛、楊孫西兒子楊華勇、莊紹綏兒子莊家彬等。

菁英會近期經常舉辦政治論壇, 12年中就邀請特首出席活動,與年青人交流。

《蘋果日報》圖片

政協初級班

菁英會希望成為香港與內地青年交流的最大平台,經常舉辦大型社會活動和菁英論壇,被視作富二代晉身政協的門檻。加入菁英會首先要有人推薦,獲得通過後,學員要到北京參加為期一星期的國情班指定課程。

此課程由早上八時開始,每天有不同導師及軍官教授中國國情。

其他影片


鍾意就快D Share啦!