年初四殘爆探病
2月 3日年初四，黃日華駕駛其 Benz房車與女兒黃芷晴一起外出。去到九龍塘近浸會醫院時疑有採訪車尾隨。他即落車視察。黑眼圈非常明顯的他，雙頰凹陷。
滾熱辣
老婆月花 10萬化療 黃日華搵劉華三哥打救
黃日華太太梁潔華去年 11月底患上急性重病，即時入住浸會醫院接受化療，住院一個月後，在農曆新年期間獲批准回家團年。據知大年初三晚（ 2日），梁潔華突然發燒再入院，受盡病魔煎熬的她暴瘦廿磅，黃日華 24小時貼身照顧。本刊年初四（ 3日）及年初八（ 7日）都見一臉憔悴的黃日華去浸會醫院探病。
據知梁潔華入院化療的醫藥費每月達 10萬，難怪近月黃日華頻頻返國內接 job𢱑銀，與他多年老死的五虎亦紛紛出手。劉德華早前介紹北京著名氣功師，苗僑偉亦送上代言的保健品，大家都為華嫂出一分力。而黃日華更在家中後花園種了七色花陣為太太驅病氣。雖然他與女兒黃芷晴均否認梁潔華病重，但梁多月未見露面，情況令人擔心。
52歲的黃日華與 54歲的太太梁潔華， 82年拍拖 88年拉埋天窗，婚後兩年誕下女兒芷晴。去年 12月 7日正是二人結婚 25周年，夫妻卻在浸會醫院的病房度過銀婚紀念日。
去年 9月，黃日華夫婦在沙田大搞銀婚紀念活動為導盲犬籌款，而梁潔華最後一次公開露面是去年 11月 17日。當時梁的身體狀況未見異樣，至 12月她因連續高燒不退，經化驗證實患急性重病，即時入院接受化療。有傳梁潔華患的是血癌，其女兒黃芷晴雖否認，但回應時眼紅紅，表現得非常擔憂。
醫護人員封口
出名愛妻的黃日華，為令梁潔華不用飽受甩髮之苦，決定聽從醫生提議，採用最新化療藥物，但價錢相當昂貴，再加上長期住院，每月最少花費 10萬，故黃日華亦四出接 job𢱑銀。據知情者透露：「每日見到黃日華都嚟醫院探老婆就知佢哋幾咁恩愛，佢個樣落曬形又殘到爆，但一入到病房見老婆就即時龍精虎猛。梁潔華因為接受化療瘦咗成廿磅，落牀都要人扶。化療始終會有副作用，聽聞黃日華想同佢轉隻新藥，效力好又唔甩頭髮嘅，但價錢就比一般化療藥貴十倍。為咗將病情保密，院方勒令所有醫護人員封口，除咗貼身主診嘅醫護人員外，所有人都唔可以入佢病房。」
年初八憂心忡忡
2月 7日年初八，黃日華由助手駕車到達浸會醫院，見他在車尾箱拿了幾袋物品。之後又愁爆扯煙，看來憂心忡忡。
後園花陣驅病
黃日華為保太太身體健康，近月開始做花王，在其獨立屋的後花園種植七彩花卉。據風水師吳佩孚表示，花陣確可以增強健康驅病魔，「屋後最好有靠山，因為係管人丁，但如果無山就可以種多啲花去代替，而花屬火，種多啲唔同顏色可以加重啲火，對患重病嘅病人好有幫助。」
五虎 30年情
劉德華、梁朝偉、苗僑偉、黃日華和湯鎮業於 80年代是電視台力捧的「五虎」。五人兄弟情深，當年五人曾有意齊跳槽另謀發展，但最終因偉仔反口留守電視台，令兄弟情決裂。之後五人各散東西，近年只有劉德華、苗僑偉與黃日華常有聯絡，三哥開眼鏡店，雙華都撐場。 09年更是三哥遊說黃日華復出拍電視劇《刑警》，可見他們感情要好。而湯鎮業長期在國內發展，梁朝偉就做獨家村，所以甚少見面。
近年淡出幕前過半退休生活的黃日華，去年與香港電視的部頭約已完，閒時踢波之餘，亦不時接送女兒外出工作。但自從太太梁潔華患病後，他不停往返國內登台及商演。早前三哥苗僑偉出手幫黃日華搭路返無綫拍劇，更私下送上很多代言的保健品，希望幫梁潔華增強抵抗力。而據知五虎之一的劉德華收到梁潔華患重病的消息時，即時致電聯絡身處北京的氣功高人，介紹對方來港為梁治病，可見他們的兄弟感情真不錯。梁朝偉與湯鎮業近年雖然與黃甚少聯絡，但亦紛紛致電慰問。記者致電三哥苗僑偉問及梁潔華的病情，他即帶記者遊花園，「你都係問番華哥啦！（你哋感情咁好，係咪有幫手？）我依家開緊工，唔得閒講呢啲嘢！（有冇見過華嫂？）應該冇咩事……（係咪有介紹你代言嗰隻蟲草俾華嫂食？）嘩！唔好講呢個問題。我做緊嘢！拜拜！」
認劉華三哥出手
周三（ 12日）下午黃日華到九龍灣踢波，面對記者仍大方回應，並承認劉華與三哥都曾主動幫忙，不過他唔想打攪兄弟。
打理後園花陣
去年整個 12月，黃日華不時中港兩地飛，由柳州、惠州、貴州、南京、蘇州再到遼寧，保守估計 12月便吸過百萬人仔。現時不用北上開工，黃日華全力照顧太太，及專心打理家中的後花園。據知梁潔華十分喜愛花草植物，黃日華得到高人指點在家中後園擺出七色花陣，可以去除病氣。早前他在花墟大量入貨，在大埔寓所的後花園種植不同顏色的花卉。
發燒再入 ICU
雖然過年前梁潔華獲醫生批准出院回家度歲，但其主診醫生講明只要一發燒便要即時送返醫院。而梁在大年初三晚突然發燒，據知入院時已發燒至 102度，身體非常虛弱，因抵抗力極差要直入 ICU病房隔離。雖然女兒黃芷晴向外表示其母在初五是返醫院作例行覆診，但事實初三晚梁已入院。
要照顧太太的同時，黃日華逢周三亦抽空到九龍灣踢波。周三（ 12日），他回應梁潔華再度入院，「佢依家好好，半年後會好番，血係出咗問題。（要定期做 treatment？）係，要定期返去醫院。（據聞三哥同劉華都有出手幫忙？）佢哋都問我有咩需要，叫我有困難開聲。暫時 OK，一切 OK。（點解唔見嚇啲朋友？）唔好打攪朋友，電話聯絡得啦！佢會逐步好番。」有個咁無微不至嘅老公照顧，相信梁潔華會好快康復。
夫婦感情一波三折
52歲的黃日華與大他兩歲的梁潔華同樣出身無綫藝員訓練班，二人在 80年合作《京華春夢》認識，於 82年拍拖，其間曾因鄧萃雯和龔慈恩先後介入而分手。但最後黃日華還是鍾情梁潔華，二人復合並在 88年註冊結婚。梁潔華婚後便退出娛樂圈，轉戰保險界，生活上因此與黃日華出現分歧。 2000年梁被發現與男同事 Kenny同遊台灣，婚外情雖斷正，但最終得到黃日華原諒，夫婦關係更勝從前，成為圈中模範的恩愛夫妻。
|
鍾意就快D Share啦！
|
|
|