全城熱爆的娛樂八封新聞 & 時事趣聞 & 生活 + 趣聞
胡定欣入咗兩間凍肉舖，唔知係嫌太貴定唔新鮮，揀咗十幾分鐘都買唔落手，最後都要幫襯大昌。
胡定欣同廣告界闊少沈柏淳拍拖年幾，一早放曬風話男友係結婚對象。早排媽咪姐喺跑馬地買餸，見到胡定欣喺街市兜嚟兜去，但就冇幫襯。原來佢係想買凍肉，但係連續入咗兩間凍肉舖格價都揀唔啱，最後去咗大昌先買到兩盒。咁識貨，娶得過啦！
至於一直喺車上面等嘅沈公子，𥄫到媽咪姐即刻落車去就近嘅阿信屋幫手掃雜貨。啱嘞，唔可以叫女友做曬㗎嘛！就算下次媽咪姐無𥄫住，都要錫住定欣呀。
定欣買好曬嘢上車，而男友沈柏淳一直喺車上面 hea住等。
見到記者，沈柏淳主動落車去買雜貨，都算有啲風度。
