全城熱爆的娛樂八封新聞 & 時事趣聞 & 生活 + 趣聞
因為 Ryan係初學踩板，克勤要亦步亦趨傍到實。
出曬名錫老婆同囝囝嘅李克勤，平時做嘢，只要方便嘅話，必定會帶埋兩個囝囝。好似早排佢去拉斯維加斯開騷，趁有空檔，就陪兩個囝囝去迪士尼玩番轉。
早幾日，又喺赤柱廣場見到佢哋家庭樂。囝囝學踩滑板，克勤就一直喺側邊小心傍到實，一眼都唔敢放鬆。踩完板，又再去玩具舖揀禮物。做克勤囝囝，真係幸福滿瀉呀。
當日李克勤負責陪大仔 Ryan踩板，老婆盧淑儀則帶住細仔 Rex超市掃貨。兩公婆分工合作，符合曬「模範家庭」美譽。
玩完踩板，三父子又返轉頭入玩具舖揀玩具。赤柱一日遊，最開心嘅，應該係 Ryan同 Rex兩兄弟。
