阿澤投資拍 AV到片場監場，因不滿男優表現而親身上陣，面對咁火辣場面， Josie都忍唔住講一句：「我都覺得尷尬！」咁又係，話曬都係女仔嚟嘅！
真面目
超入戲 阿澤大戰㗎妹 何超自 high高潮
杜汶澤孭飛嘅《豪情 3D》瞓身演出，每餐只靠食雞胸、烚菜瘦身，成功由 170磅肥仔操到 138磅肌男，飾演 AV男優肉搏一班魔鬼身材嘅 AV女優。
女主角何超儀（ Josie）反而要扮老土娘 look，仲要專登增肥廿磅，飾演有「吸啜女王」之稱的過氣小雞，導演仲加插一場自慰重頭戲畀 Josie大曬演技。 Josie應付自如話：「自己拍起自慰場口時都唔覺得困難，最緊要唔係為咗話題而去拍！」西班牙影後曬嚇演技，好閒啫！
相隔十年，《豪情》再度添食，今次由杜汶澤和何超儀擔正男女主角，飾演過氣妓女的 Josie與阿澤拍 AV之間的種種經歷。雖然兩人冇激情肉搏場口，但其中一幕， Josie睇見阿澤的 AV作品自 high自慰，七情上面，與阿澤相比，絕不遜色。
肉搏要指導
《豪情 3D》講述文藝青年阿澤拍住泰臣和曾國祥，飛去日本投資拍 AV，仲搵到 Josie擔任翻譯和經理人。其中一幕，阿澤、泰臣、曾國祥和 Josie到片場視察 AV拍攝進度，身為老闆的阿澤大彈男優的表現，於是決定親身上陣。
戲中阿澤處男下海拍 AV，表現當然戰戰兢兢，仲被女優辰巳唯食住個勢，佔盡優勢，要靠 Josie出手打救，不斷在旁邊指導動作及打氣。對住赤裸裸的肉搏場口，連見慣大場面的 Josie都有少少「淆底」，她說：「雖然自己都拍開戲，不過赤裸裸咁喺正自己面前搞嘢，都算係第一次，拍完都覺得尷尬㗎！」
自慰一 take過
《豪情 3D》中，除了阿澤大戰不同年齡、身材的 AV女優外，戲中另一高潮位是 Josie睇 AV自慰一幕。戲中 Josie飾演阿澤的經理人，感情受到重創，一次在家中睇阿澤主演的 AV，突然「有需要」，連高潮眼都走埋出嚟，最後導演一 take過收貨。
本週一（ 10日）本刊致電 Josie，問到自慰一幕，她說：「其實拍嗰場戲之前，我已經試曬所有表情畀導演同監製睇，到拍嗰日照演番出嚟，卒之一 take過就收工。自己拍起自慰場口時都唔覺得困難，最緊要唔係為咗話題而拍！」監製陳慶嘉更對 Josie有讚冇彈，他說：「今次角色相對更複雜更難演， Josie比以前趙啷啷演得更加放、更加盡，當中仲多咗份喜劇感。」監製收貨 ok啦！
AV女肉價榜
《豪情 3D》中共有 6位 AV女優演出，原來演員和女優的片酬不同。據知今次幾位女優的片酬都不高，大家只希望藉此電影衝出日本。而且女優個個具備演員道德，準時到場及有禮貌，非常抵用！
港片玩曬
今年上半年上映的電影套套搶鏡，包括陳果執導的《那夜淩晨，我坐上了旺角開往大埔的紅 van》、彭浩翔執導的《香港仔》和阿澤孭飛的《豪情 3D》。三套戲各有話題，陳果主打現今香港的核心問題；而彭浩翔走另類特色，港人情懷。
入圍柏林
陳果執導、改編自網路小說的《那夜淩晨，我坐上了旺角開往大埔的紅 van》，入圍《第 64屆柏林國際電影節》的「全景單元」，因為陳導講到明係拍畀香港人的電影，對加插唔少政治意識，好似徐天佑喺片段入面一句：「大家無謂再呃自己話出面一切係正常，我諗，大家係時候停一停，面對我哋見到嘅現實。」中曬！
|
鍾意就快D Share啦！
|
|
|