網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月12日 星期三

[FACE 351] 大水喉 土豪揼本爭花旦 馬浚偉搶法拉 馬浚偉,MF,




頭號目標

馬浚偉同陳法拉情如兄妹,兩人上月孖住去黃宗澤間蠔吧開餐,順便傾嚇合作大計。網上圖片

真面目

大水喉 土豪揼本爭花旦 馬浚偉搶法拉

隨住王維基宣布搞流動電視, TVB又要開始打仗,不過班當家小生花旦個個養唔熟,連親生仔林峯都隨時約滿走人。

而去年與無綫改簽部頭約的馬浚偉,亦一早搭通內地人脈,獲土豪揼水 3千萬人仔搞工作室,另外每年仲有大嚿錢開劇同簽人,一於同無綫爭花旦。據知馬仔做經理人的頭炮,將會係上年走人、曾經合作過 4套劇的陳法拉。「兩兄妹」拍住上賺人仔,使鬼留喺 TVB日捱夜捱咩?

約滿無綫後,現時法拉所有工作都由陳慧琳經理人鍾珍幫手接洽。

近年藝人鍾意搞工作室,有自己 label夠威之餘,自由度又夠大。做了一線小生多年的馬浚偉,最近亦獲內地「中港桃園影視傳媒」睇中,投資 3千萬在北京開設「中港桃園馬浚偉工作室」。

2號目標

楊怡今年即將約滿,早前有傳佢會同經理人嘉莉齊齊過檔,但𠵱家嘉莉留低,楊怡有冇機會簽畀馬仔呢?

長約難撬

鍾嘉欣同馬仔合作無間,可惜嘉欣同 TVB簽咗長約,有排未走得。

'14開張

網上圖片

「馬浚偉工作室」今年 1月 1日正式開張,預計短期內開始拍劇。

保證有戲開

現與 TVB屬部頭約的馬仔,早前亦為娘家拍劇算係義氣仔女,與楊怡的新劇《守業者》將於下週出街。

大條水喉射住,馬仔除了每年保證有劇有戲開,仲有話事權決定簽咩人。據知馬仔唔熟唔撬,向有意北上發展的自由身、以「兄妹」相稱的陳法拉埋手。

上週五( 7日),馬仔接受本刊電話訪問時,承認已同法拉傾過合作計劃,「我都想簽番一啲以前合作過嘅 artist,咁法拉、楊怡、(鍾)嘉欣都係阿妹,當然有興趣啦!法拉前排約滿咗,我同佢初步傾過一次,不過都要等佢放完假返嚟再詳細傾。(楊怡今年約滿,傾咗未?)係咩?以我所知佢同嘉欣都冇咁快喎!」

法拉內地搶手

雖然法拉同馬仔情同兄妹,大有機會傾得成,不過現時暫由陳慧琳經理人鍾珍代接 job的法拉有樣有演技,兼在四川出生講得一口流利普通話,因此極之搶手,盛傳除王維基外,曾志偉亦有興趣將法拉收歸旗下,更有傳連趙薇都曾約佢見面傾合作。

早前法拉放曬風想拍內地劇,更暗示 TVB霸道唔畀佢北上賺人仔,「我喺無綫時冇拍過內地劇,好在嚟緊可以試嚇多啲新嘢!我有心理準備接受新挑戰,手頭上都有心水嘅電影、電視劇本,真係未拍先興奮!」對於「阿哥」親自挖角,週一( 10日)法拉則在電話中大耍太極:「現階段所有工作都會由鍾珍幫我 handle,暫時未有同其他單位落實合作計劃!」另一位盛傳同樣未獲公司放人拍內地劇的楊怡今年約滿,可以考慮同法拉一齊黐住「阿哥」搵食喎!

撈埋導演

揼水畀馬浚偉的中港桃園影視傳媒,由做過製片人的黃洪(小圖)做 CEO,而顧問竟然係黃聖依同佢個有米男友楊子。至於馬浚偉的北京工作室,現計劃每年最少開兩套劇及一套電影,其中馬仔已寫好一個電影劇本,更打算親自做導演。又做演員又做導演,分分鐘連經理人都做埋,會唔會分唔到身先?

馬仔上年同佘詩曼、胡軍一齊拍《建元風雲》(現於高清翡翠台播映),口碑唔錯,有助提高馬仔內地的人氣。網上圖片

富貴顧問

有傳楊子(左)坐擁 10億身家, 05年開始投資娛樂事業, 09年黃聖依被周星馳起訴私自接 job,當年楊子以 600萬幫緋聞女友贖身,似足小小超同梁洛施。

工作室規模暫時唔算好大,不過裝修得非常企理,似模似樣。

一條龍賺人仔

藝人自組工作室,除咗要搵老闆揼水投資,知名度都好重要。一早離開 TVB北上的葉璿同劉愷威,拍過多部內地劇,儲落一班粉絲先夠地位成立自家 label;而吳鎮宇人氣強勁,最近都有機會開工作室做 boss!

劉愷威 年開兩劇

05年離開 TVB的劉愷威,一早睇中內地市場北上拍劇,去年初自組工作室製作劇集,計劃每年最少開兩套劇。

葉璿 自監自演

11年成立工作室,葉璿至今已開了 3部劇,其中民初劇《第九個寡婦》更斥資 4千萬打造,由葉璿自監自演。

吳鎮宇 方便北上

近年中港兩邊走的「 Sam哥」,在北京自設工作室接內地工作,目前已拍了兩齣電視劇。



鍾意就快D Share啦!