[壹週刊 1253] 廖啟智搵魔鬼胸 馴服易服仔 廖啟智,BKD_S,M1,

探熱針

廖啟智搵魔鬼胸　馴服易服仔

憑 32D魔鬼胸，獲天王郭富城寵倖的蔚雨芯，早前去了南極拍旅遊特輯，於零下十度著三點式，跳落冰河遊冬泳。膽識美色並存，令同團跟隨父親到南極，被指易服癖兼同性戀廖啟智大仔廖文哲，對魔鬼胸另眼相看。

易如反掌

同郭天王年齡相距廿八年，卻毋礙年僅二十歲的「魔鬼胸」蔚雨芯跟郭富城發展「友誼」，據悉，蔚雨芯聯同師兄狄以達、李純恩及智叔廖啟智出發到南極拍旅遊特輯前，曾獲天王主動約食飯見面。

被指愈食愈嫩口的郭富城，在一眾九十後佳麗中，蔚雨芯更是最被寵倖的一個。

年紀大一倍有找，蔚雨芯都有本事搞得掂！面對細自己一年的智叔大仔廖文哲，更加易如反掌。

被揭愛玩易服的廖文哲，當在網上自認廢青，明明有女朋友，忽然話自己想做女人，更高呼：「 I am gay too」，令身為父母兼虔誠基督徒的廖啟智及陳敏兒相當頭痛。智叔更自責早年因忙於照顧患血癌去世的孻仔文諾，忽略了步入青春期的大仔文哲，以致他性格反叛。

為修補關係，智叔決定帶埋文哲去南極開工，重新建立父子情。

蔚雨芯遊完南極泳後，即返船艙取暖兼接受訪問。難得在南極仍然有 32D魔鬼胸觀賞，故智叔大仔文哲都被征服，事後攞住手機不停幫她

拍照。

南極「撻著」後，二人就糖黐豆般，雪糕兩份食， sweet爆。

去年底文哲玩易服，又在網上高呼恨做女人出禍，但今日他打扮舉止都重拾男兒味。

唔單只個仔同蔚雨芯啱 key，智叔跟她拍南極特輯亦無代溝，合作愉快。

甩咗熊黛林，不愁寂寞的 Aaron在網上發功冧女，去年底他專誠為九十後蔚雨芯及 Kabby主演的低成本電影《微交少女》撐場，之後展開交往。

踏入青春期，文哲性格開始反叛。不過經過易服一禍，智叔抽更多時間陪伴他，令兩父子感情更進一步。

南極陪冬泳

九十後的文哲，去到南極，與年紀相若的蔚雨芯分外投契，還使出自彈自唱冧女殺技。

「佢兩個好啱 key，咪睇阿哲喺網上玩易服扮女仔，佢對住 Rainky（蔚雨芯）好鬼 man，兩個仲雪糕兩份食。其實阿哲唔係廢青，佢依家讀緊音樂，結他彈得好好，又識 rap，喺南極成日攞住支結他唱歌俾 Rainky聽。返到香港，佢哋仲有出嚟食飯見面！」知情者爆。

今次南極之旅，蔚雨芯除在零下十度以三點式上陣影寫真，更挑戰體能極限，聯同隊員狄以達、智叔等於南極遊冬泳，文哲見狀，亦奉陪到底，陪蔚雨芯一齊落水。

雖然落水一秒就拿拿臨上水，但佢話足以感受到何謂凍入心肺，全身麻痺。

魔鬼胸腳震

要在零下十度著住三點式已經勇氣可嘉，仲要跳埋落水遊個寒骨冬泳，睇蔚雨芯落水一刻個樣，就知佢有幾驚同幾凍，反之狄以達一臉興奮。

南極創舉

見老豆智叔同蔚雨芯等人都勇敢一跳，文哲無理由唔 You jump， I jump。仲要嚟個前空翻落水，型爆。而反叛的他，右手前臂發現有紋身。

文哲浮誇跳

唱歌送父

為吸引蔚雨芯眼球，手臂有紋身的文哲，更打曬空翻跳入冰河，大展身手。

南極之行，廖文哲交到新朋友外，與老豆的關係亦有所改善。

「阿哲反叛，雖然成日窒老豆，但其實佢好錫智叔。有晚佢 solo攞住結他表演咗成晚，智叔開心到攞住部手機係咁幫個仔拍片，之後兩父子仲合唱《海闊天空》，好溫馨。」

現進修音樂的文哲，在南極每日結他不離手冧女。其中一晚他自彈自唱多首英文歌，獲得全場拍掌。睇見個仔有咁多人支持，開心到爆的智叔即刻攞手機做阿仔攝影師。

之後全場起哄要父子檔表演，智叔為個仔大開金口，合唱《海闊天空》。

今次南極之旅特輯，有蔚雨芯同狄以達配前輩李純恩與智叔，贊助他們的騰邦國際更豪花千萬，由蕭潮順做製作。

城城讚夠勇

提到同智叔大仔廖文哲玩埋，蔚雨芯急著解釋：「冇呀，我當佢細佬咋！（知唔知佢之前俾人話易服斷背？）佢有同我講話唔開心，但我可以做證佢唔係。（你哋仲有冇見？）返嚟之後有話再約食飯睇相，但唔係兩個，係南極之旅一大班人。」

至於出發南極前與郭富城密會，蔚雨芯卻拒回應：「我唔會回應！（你喺南極遊水佢（城城）有冇讚你呀？）佢有讚我好勇。（你哋一直有保持聯絡？）咁朋友梗係 keep住聯絡嘅。」至於廖啟智，截稿前仍未回覆本刊。

開胸跑出

吸引 Aaron關注，又馴服智叔大仔，出道三年的蔚雨芯，開胸之後係有啲計。

11年包冚選港姐

原名劉嘉麗的蔚雨芯， 11年以 17歲未成年之齡參選港姐，面試時雖將魔鬼胸包冚，但仍被冠以縮水娜姐稱號。可惜最後冇入圍，轉戰樂壇。

13年跑出

去年她跟狄以達到墨西哥拍旅遊特輯，三點式落水餵魔鬼魚，從此 32D的她被封魔鬼胸。

食住出寫真

同年食住魔鬼胸美譽，到布吉拍性感寫真，放低歌手框框搏到盡。

孭飛作好激

去年首度孭飛的寫實電影《微交少女》，有多場床上戲，扮演聾啞少女的她演技備受讚賞。

鍾意就快D Share啦！

下一篇 》