全城熱爆的娛樂八封新聞 & 時事趣聞 & 生活 + 趣聞
韓劇《來自星星的你》熱爆， 26歲男主角金秀賢憑「都敏俊」變身男神，劇集已經收檔，但韓火不熄，為咗爭奪人氣男神移駕同觀眾近距離接觸，內地電視台、網絡視頻，爭相掟錢。
上星期六（八日），江蘇衞視出動私人飛機，接載金秀賢由首爾飛南京，做節目《最強大腦》嘉賓，九點到六點，即日來回，一口價，六百萬人仔。 傳聞金秀賢嚟緊九月要服兵役，食「星星熱」搵錢時間所餘無幾，但男神一啲都唔急，睇定嚟食，總之價高者得！除咗一百萬美金拍內地服裝廣告，聽聞有網絡視頻出到一千萬人仔，請佢做粉絲見面會加接受第一個內地個人專訪。 遍地人仔，金秀賢執唔切，採取有大食大，有腦。
以「星星頭」南京一日遊嘅金秀賢，錄映六粒鐘，去機場飛返首爾時，攰到吽曬！
傳聞金秀賢同全智賢六月會開拍《星星 2》，簡直係粉絲福音。
要男神移駕，江蘇衞視出動私人飛機，恭請金秀賢。
