我係專業演員！（設計對白）
探熱針
導演上身拒著戲服 陶傑寸爆麻煩 Mandy Lieu
陶傑處男下海執導電影《愛．尋．迷》，成功冧掂羅霖、 Mandy Lieu以及金庸契女盛朗熙（ Joy）演出大膽床戲，三女戲份相若，不過陶傑對宅男女神 Mandy特別關照，安排她著泳衣落水，濕身騷 34C身材。
不過，演技未夠班的 Mandy竟然在片場橫行，導演上身做指揮，又扭計拒著戲服，搞到陶傑都忍唔住寸爆：「佢係香港安祖蓮娜。」
打入冷宮
陶傑的《愛．尋．迷》由三個故事串成，三個女主角，以失婚羅霖資格最老，搭細近廿年的關楚耀拍情慾場面，成功為電影帶來話題。相對觀眾並不熟悉的盛朗熙，陶傑一樣有橋，早前他刻意將對方出席金庸九十歲生日飯局照片放上微博，被指貌似李英愛的盛朗熙，隨即被網民起底，之後更獲邀上湖南衞視節目玩遊戲。
但一度被陶傑讚戲好、樣靚有條件進軍國際的 Mandy Lieu，反而無聲無氣。
「導演對 Mandy一直都好好，初初傾劇本嗰陣，導演話乜 Mandy都 OK，不過到開工埋位，就乜都有意見，仲要係好堅持嗰隻，又試過教副導演擺機位，有時搞到現場氣氛好僵。自把自為外， Mandy仲唔肯著美指安排嘅戲服，總之當正自己係阿姐，好唔合作，大家都怕咗佢。」工作人員透露。
句句有骨
問到陶傑是否已將 Mandy Lieu打入冷宮，他句句有骨。
「我冇忽略佢嘅宣傳！ Mandy有間 model公司，佢有時做嘢忙，未必約到佢，不過佢都好踴躍同部戲做宣傳。（佢同工作人員關係好差？）我唔知，只係知道佢喺片場同製片有強烈不同意見，以 Mandy追求完美嘅性格一啲都唔出奇。
「專業演員係應該對自己要求高，就算佢喺拍攝期間同人哋有問題，我都撐佢，因為靚女有特權，佢係香港 Angelina Jolie。至於啲人話佢擺款，我就唔覺，佢要求高，亦係個我行我素嘅人，呢啲人喺香港唔需要埋堆；佢有真正本錢，玫瑰花係有刺，摘上手，梗係會㓤㓤哋。」
大牌
三分顏色上大紅，有人撐腰，或者演出作品口碑收視票房成績標青，唔少演員都會因為少少甜頭，以為掂曬，搞到大頭症發作，隨時衰收尾。
DaDa
憑《低俗喜劇》得香港電影金像獎「最佳女配角」的 DaDa陳靜，去年八月突然公告引退繼而玩失蹤，兩個月後，又開記者會公開道歉，早前她在內地拍《唐伯虎之衝上雲霄》，又再病發，以天氣凍手腳冰硬拒拍打戲，不停玩嘢。
|
鍾意就快D Share啦！
|
|
|
