2014年3月27日 星期四

[壹週刊 1255] 貪靚打多咗 陳展鵬變豬頭 陳展,M1,




14'

探熱針

貪靚打多咗 陳展鵬變豬頭

整容變臉早已不是女星專利!據了解,一直被稱山寨劉華的陳展鵬(煎 Pan),去年零酬勞為美容院新店開張做嘉賓,還身先示卒,幫襯打造雙眼皮、隆出鷹鼻;再打埋蘋果肌、 Botox。貪得滯,打多咗,令煎 Pan已由老翻劉華變豬頭。

太重手

我變,我變,我變變變!陳展鵬 08年重投無綫,由配角做起,六年間由二打六攀上一線小生,樣貌亦愈來愈變化多端,已年屆 36歲的他,今個月中出席新劇《叛逃》宣傳活動時,臉頰飽滿近乎零皺紋的豬頭樣,驚爆!

13'硬膠臉

去年開始打針防皺的煎 Pan,已出現硬膠臉。

11'

07'

03'

山寨版劉華



煎 Pan樣子亦正亦邪,出道時被指有劉華影子。

唔識做

入行接近廿年的陳展鵬,由亞視二打六捱到被無綫力捧,成為上位小生劇接劇,經歷重重困難。

「煎 Pan喺個圈碌咗咁耐,唔多唔少都有啲實力,不過佢唔係咁識做人,好似喺無綫同蕭正楠同組同一個經理人,不過待遇就好有分別。佢冇人哋咁識氹人,係蝕底啲!但至少都有珍姐(曾勵珍)睇佢,可以劇接劇咁拍;而家播緊套《叛逃》煎 Pan個角色好重,擺明俾機會幫佢再上。公司都冇乜人可以再捧,佢自己都知要好好把握,唔可以再嘥時間同機會。」一名無綫人說。

正在播映的《叛逃》,煎 Pan因有曾勵珍撐腰,所以戲份一加再加,先後與陳茵媺及蒙嘉慧有感情線。

去年播出的《巨輪》,由煎 Pan及蕭正楠孭飛,口碑不俗。

追唔到

機會擺在眼前!為了坐穩一線小生位置,煎 Pan亦緊貼娛圈潮流,進行變臉增運。為此,他更將美容院老闆娘 Kristy當成水泡。

「煎 Pan個樣亦正亦邪,入行已經俾人話有啲似劉華,等咗咁多年終於上到位,佢話要好好把握,近呢一年,佢識咗開美容院嘅 Kristy,個樣幾好亦同佢好啱 key,煎 Pan都追咗對方一陣,不過 Kristy就唔多受,不過煎 Pan都冇放棄,仲成日做義工,又幫襯對方整完呢度執嗰度。」知情者說。

煎 Pan冧爆美容院老闆娘,去年 Miss Beauty開張,煎 Pan不收酬勞撐場兼剪綵,之後更在該店打針變臉。

老闆娘 Kristy

不拖不欠

去年十二月, Kristy旗下的 MissBeauty開張,煎 Pan義務做剪綵嘉賓外,還親自做白老鼠,接受「改建」。

「開張嗰日煎 Pan雖然遲到,不過佢冇收錢都算係咁喇, Kristy都好多謝佢!之後煎 Pan仲做埋客仔,釘咗兩針雙眼皮,隆高咗個鷹鼻,兩頰打咗蘋果肌,再打埋 Botox。

「 Kristy唔想欠煎 Pan人情,所以冇收佢錢,當打個和不拖不欠。點知煎 Pan見打咗針觀眾緣好似好咗,又多咗好多女粉絲,所以佢就 keep住嚟;但最近可能重手咗,早排做新劇宣傳活動都未散腫,成個豬頭咁,差啲認唔出佢。」知情者說。

一直有傳煎 Pan與鍾嘉欣拍劇而撻著,兩位主角否認,並表示大家只屬好友。

女性緣甚好的煎 Pan,與貝安琪有過霧水情緣。

剛與唐詩詠合作《大藥坊》的煎 Pan,傳與女方撻著,他沒有直接否認傳聞,並指將來的事冇人知作回應。

姚佳雯是煎 Pan入行以來唯一承認拍拖的女朋友,雖然兩人已分手,但仍保持朋友關係。

今年三月初,《巨輪》中主要演員到馬來西亞雲頂開演唱會,令曾是歌手的煎 Pan有機會一展歌藝。

因陳茵媺大肚,所以未能與煎 Pan嚟到馬來西亞宣傳劇集《單戀雙城》,改由林夏薇、洪永城、黃翠如及楊明等人伴住煎 Pan出席宣傳活動。

Over咗!

貪靚嘅唔只係女人,好多男人為了變靚啲而投入變臉行列,但即使你有勇氣去改建,效果亦因人而異, over咗,隨時衰過以前。

胡鴻鈞四方角變尖

胡鴻鈞參加《超級巨星 2》時,四方角臉令人印象深刻,但成為歌手後,四方角逐漸變尖,更被高登友取笑「削骨還父」。

謝天華隆鼻變插蘇

入行多年的謝天華, 09年憑《學警狙擊》 Laughing哥人氣急升,為加強 chok樣戰鬥力,加工修正扁鼻樑和闊鼻翼,但打針失敗,反變插蘇鼻。



鍾意就快D Share啦!