探熱針
冇啖好食 三大刀手操控 無綫藝人排隊減薪
王維基的香港電視（ HKTV）開台再度難產，競爭對手被攔下，無綫馬上生猛，仲要獨大霸權要藝人瘦身，將元老主持譚玉瑛踢出兒童節目、楊思琪被迫減薪；無綫還度出十分鐘淘汰賽絕橋，要一批三線藝人接受三大巨頭，包括曾勵珍、樂易玲以及余詠珊面試，表現差或者不能過關的藝人要接受減騷減薪，更加分分鐘冇得續約，被叮出無綫
面試評核
香港電視開台再遇攔路虎，連帶部分在無綫等生路的藝人亦無運行。當中留守無綫三十二年做兒童節目的譚玉瑛，被當權余詠珊出口術以轉做顧問，將她由月薪九萬削剩七千後，單親媽咪楊思琦，亦遭㩒住減人工。
不過，譚玉瑛和楊思琦的處境只是減薪潮序幕，據了解，近日無綫內部已展開減薪真人騷；一些三線藝人需輪流返公司，接受三大高層同時面試，證明有料有表現的，續約時才獲加薪，否則的話，要減薪甚至會不獲續約。據了解，出身《超級巨聲》的何雁詩、羅孝勇、林欣彤及一班得過獎但冇乜工開的《香港先生》，包括許家傑、李晉強、翟威廉以及李思捷前度葉凱欣，均已接受過評核。
「佢哋三個（曾勵珍、樂易玲、余詠珊）一齊見，到而家大概見咗幾十個，每人十分鐘左右，啲問題來來去去都係問做過啲咩？除咗演戲仲有咩強項？其實呢班三線藝人都冇後台，演出機會根本唔多，咁點可能有表現；好多人面試完都心知會俾公司減薪減騷，頂得住咪繼續做，如果唔應承，都預咗會冇得續約。不過亦有啲人好天真，以為呢個評核係有人工加。」工作人員透露。
波及高層
藝人要瘦薪，高薪厚職的高層亦受到影響。製作部兩大巨頭之一的梁家樹已離開無綫，曾勵珍變成單箭頭，但珍姐已經六十三歲，早已屆退休年齡。為此，亦大有機會被勸諭退休。
「其實唔關乎能力問題，珍姐係嗰幾個高層中人工最高，接近二十萬一個月，樂小姐同 Sandy（余詠珊）都係十萬左右，珍姐貴成倍，無綫要縮皮，佢一定係目標人選。」知情者說。
冇劇本
為調高製作質素，講明要有八成劇本在手先會開工，不過有心無力，近日開工的新劇《再戰明天》，第一日開工已經飛紙仔，被鬧劇本唔通。
冇得休
梁主席強調要尊重藝人，規定開工時間不可以超過十小時，不過意見接受，態度照舊，日踩夜踩情況依然。
冇薪加
王維基開台前大量高薪挖角，無綫亦承諾會加碼，大幅度加薪，但見對手不戰而敗，即大使縮骨功不加反減。
|
鍾意就快D Share啦！
|
|
|
