話曬係港姐冠軍，郭藹明零妝出街買餸，絕對見得人。
同你吟一吟
郭藹明親自落場
唔經唔覺結咗婚十六年，郭藹明為咗做好劉太呢份工，完全犧牲曬幕前嘅工作做跟得夫人，每次劉青雲出埠拍戲，郭藹明一定跟到實，如果唔使四圍飛，劉太仲會下廚煮番幾味。
聽講劉青雲唔只做戲好，仲係食家，佢老友黃秋生呢排幫無綫拍《燭光晚餐》，因為要到唔同餐廳拍外景，都有請教劉青雲有咩心水推介。老公對食有要求，郭藹明買餸更加親力親為，早個禮拜叫司機車佢落九龍城上糧，其中一站係去「潮發白米雜貨」。呢間鋪頭除咗潮州粿出曬名，佢啲自家製醃菜，連食家蔡瀾都話冇得頂，郭藹明亦專登去買咗成大棵鹹酸菜，如果用嚟煲酸菜胡椒豬肚湯，包保老公劉青雲食指大動。
|
鍾意就快D Share啦！
|
|
|
