網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年3月26日 星期三

[FACE 357 大專校園] 城大性感女自白:冇話背脊係私處 Clary Clary,BKD_S,城大女學生,MF,




U Spy

城大性感女自白:冇話背脊係私處

城大 Secrets fb專頁,上週有網友登咗一名城大女學生,著住透視喱士衫上課嘅背脊相,搞到全城狂鬧相中女,話佢返學衣著過度性感。

上週五( 21日)本刊聯絡到主角 Clary,原來佢今年 22歲,是 4年級學生,但 Clary只肯透過 facebook說:「張相係 12號俾同學影,之後俾人轉貼,件衫我好鍾意,係上年喺 bershka買,件衫前面完全唔性感,得個背脊係喱士!而且我有用 nude bra!」

而連日來 Clary在 fb反擊網友批評, Clary稱連大學老師都撐,「大學係求知識,我又唔係太性感,老師都支持我,將我個 case用作兩性研究課題,男友都支持我,我只係貪靚,幼稚園教小朋友都冇話背脊係私處 come on!」

正面照

有網友話 Clary係「背多分」,但其實佢正面都唔算醜:「當時其實有著外套,只係嗰日太熱先忍唔住除咗,出咗班房已經著返!」

城大惡搞

Clary呢排咁紅,識影相一定影背面有城大學生就惡搞影低女同學背脊,叫同學小心著涼。

Clary同 Spy堅持平時著衫唔算太性感, fb見佢啲低胸相,佢解釋:「𠵱張係夏天,好正常啫!」

中學仔拍片 寸學校僵化校規

上週爆出荃灣寶安商會王少清中學校長喺早會公開拍拖同學名單,開完名仲要入去俾訓導照肺,其實,中學生拍拖有幾出奇呀,不過香港中學騎呢嘢,又點只一單。

Spy就八到西灣河嘅香港中國婦女會中學只准同學 13度或以下先准戴頸巾,前排咁鬼凍,難怪有學生拍咗條短片〈給我 3分 38秒錄低這條死人校規〉向校方開戰,片中主角係該校同學廖仲文同 Spy講:「有時 10幾度都可以凍到個人僵曬,有條頸巾爭好遠囉!」

除咗婦女會,名校聖士提反女子中學一樣有騎呢校規,校方講明唔畀同學著校服喺街食嘢飲嘢,你想拎住支汽水篤串魚蛋, Sorry!校方會話你破壞學校形象,俾人捉到一樣處分!食魚蛋影衰套校服,睇嚟要去高級餐廳鋸扒先唔會俾人罰!

中國婦女會中學 13度以下先可戴頸巾,學生親身出鏡拍片諷刺,學校僵化校規令同學受苦,片主廖仲文同 Spy講:「真人出鏡,唔怕學校秋後算帳!」

名校校規向來嚴,但聖士提反女書院禁止學生街頭食嘢,怕影響形象, Spy都係第一次聽。

TVB新主播 最愛扮金魚嘴

新聞主播向來有市場,最近 TVB新聞台嘅主播陳嘉倩就成為新寵,個個爭住等睇佢出鏡。

有 fans話陳嘉倩鬼鬼哋(其實佢係 100%中國人),早於 2011年,嘉倩仲讀緊中大英文系時,《 FACE》校園版已經搵咗女神影呢輯靚相,雖然當時女神冇好似出鏡咁化行妝,但一樣係中大之花,又識德文同西班牙文,仲彈得一手好古箏,當時佢又自爆最鍾意 G.E.M.,所以影相指定動作,一定係扮金魚嘴,超可愛!

係 G.E.M.粉絲嘅嘉倩影相必扮金魚嘴,夠曬可愛,憑住清純嘅外表,嘉倩仲做過東亞運嘅禮儀小姐,不愧為女神!

由 NOW TV過檔 TVB嘅嘉倩 BB好快就成為網友嘅新一代女神,討論區有大把 BB嘅 cap圖!

U Spy:

校園至爆猛料, U Spy一定睇實。



鍾意就快D Share啦!