[FACE 357] 食得鹹魚 俾陳家樂飛爆大鑊 正印數臭林欣彤係第三者 陳家樂,林欣彤,MF,

真面目

食得鹹魚　俾陳家樂飛爆大鑊　正印數臭林欣彤係第三者

27歲英皇男藝人陳家樂， 12年拍電影《 DIVA華麗之後》跟同門師妹林欣彤撻著，女方更被指飛甩同居男友羅孝勇，轉投師兄懷抱。

事隔 2年，近日突然有一個名為「 Emily-EY」的女仔，疑似係陳家樂拍拖多年的女朋友，在微博公開數臭男方，話自己受到背叛同傷害，又怒插對方畀唔到安全感，暗示有人一腳踏兩船，背住正印四圍溝女。

被指係花心賤男，陳家樂上週日（ 23日）承認「 Emily-EY」係舊女友，「係我主動提出分開嚇先，今年想專注事業！」後生仔積極工作係啱，但搞到俾前度唱通街就唔係幾好囉！

03年參加英皇新秀入行的陳家樂，出道 11年依然半紅不黑，間中接拍微電影，最近亦有為香港電視拍劇，但最令人印象深刻的，應該只有兩年前同林欣彤演情侶的《 DIVA華麗之後》。

林欣彤唔知陳家樂有女友，仲不時將兩人私照放上網。網上圖片

陳家樂同林欣彤拍《 DIVA》時有激咀戲，有傳男方力追女神兩年終於得手，但一直向 Mag隱瞞有個同居女友。

收埋 11年女友

有傳當時陳家樂力追林欣彤，更加報稱自己是單身，雖然兩人否認撻著，不過最近有一個名為「 Emily-EY」的女仔在微博狂鬧陳家樂，指「你就是最有能力傷害我的人」、「我們的第一個十年，依然很難支撐，你這個沒給我安全感的人！」

據知陳家樂一出道就同 Emily拍拖，現已同居，近幾年男方不時提出分手，但女方反應激動，更嗌過自殺，所以關係一直拖拉。 Emily除在微博鬥爆外，早前更有自稱為 Emily好友的讀者向本刊爆料，力數陳家樂係賤男，除稱：「陳生（陳家樂）一直同佢講以事業為重，叫佢唔好咁揚」，又話「上年開始林欣彤呢個第 3者介入」，甚至說：「陳生一直同我朋友解釋話，利用林欣彤緋聞幫自己提高知名度。」無端拖埋林欣彤落水！

女友網上發功

Emily微博內有不少同陳家樂的親密合照，但全部得半邊樣，或者用公仔遮面，而且所有微博已在週一問完陳家樂回應後（ 24日）被移除。

賤兔遮面

網上圖片

怒罵失望

Emily直指對陳家樂好失望，雖然冇開名，但一睇張相就認得出

有疑似 Emily分身的匿名人踢爆，陳家樂一直背住身邊人隱瞞有女友 Emily，又話男方成日玩失蹤，更直指林欣彤係第三者。

踢爆大話

網上圖片

陳家樂故弄玄虛，喺 Instagram上載食物相話自己一個人食飯，但轉頭即被 Emily踢爆係兩個人撐枱腳。

「我都喊咗好耐！」

陳家樂早前為宣揚防止愛滋病拍了一齣微電影，有男男床上戲。

陳家樂上週日（ 23日）出席活動時，被問到一腳踏兩船，即刻否認分手同林欣彤有關，「佢（ Emily）係我女朋友，拍咗好多年拖，前排我提出不如暫時分開嚇，因為接咗林超賢套新戲，好多嘢要準備，例如學戲同操肌，想今年專心工作先，佢都贊成分開 1年！（和平分開點解會唱衰你？）可能一齊咗咁耐，突然要分開都唔開心我都好傷心，喊咗好耐！」

而無端被插的「第三者」林欣彤，在電話中強調：「我同家樂只係好朋友，我冇諗過亦唔會介入人哋嘅感情，唔會做第三者！真係唔關我事，希望大家開開心心」感情嘅嘢都係清清楚楚好，阿 Mag唔好再俾人呃喇！

本來林欣彤同羅孝勇拍拖好哋哋，但陳家樂介入，搞到 Mag一度為感情煩惱而暴瘦兼抑鬱，最瘦時更跌至 80磅新低！

為情消瘦

飛羅孝勇

懵做小三

娛樂圈有唔少賤男鍾意背住正印搞搞震，唔理自己有老婆照呃女，多年來一直有女星中招，真係天真過天真嬌！

楊愛瑾變狐狸

同永安集團太子爺郭永淳拍拖的楊愛瑾，最初一齊時唔知對方有個重病老婆，更被正印鬧爆佢係狐狸精。現時郭永淳已正式離婚，同 Miki亦感情穩定。

滕麗名走得快

08年同郭政鴻拍《桌球天王》啜出火，三年後先發現男方一早娶了內地女子做老婆，更育有一女；好在阿滕去年 12月搵到真愛，同金融才俊朱建崑結婚。

陳加玲翻舊賬

過氣影星陳加玲上週突然發聲明，指當年被一名有婦之夫欺騙感情，事後先發現對方已婚，唯有向對方的老婆道歉。有傳是指失婚再娶梁芷珊的羅傑承。

鍾意就快D Share啦！

下一篇 》