[忽然1周 975] 小寶狂𥄫鄭多燕 小寶,鄭多燕,陳嘉佳,MW,

查實鄭多燕教大家跳嘅舞步得幾個 step，好簡單！但小寶睇極都跟唔到，甩曬。

媽咪姐

小寶狂𥄫鄭多燕

媽咪姐上期先講鄭多燕嚟香港開騷，呢個星期佢就飛咗嚟同大家 say hello仲搵咗運動騷拍檔阮兆祥、小寶（陳嘉佳）同蝦頭跟大家見個面，跳番 part健康舞㖭。

到彎腰呢 part，小寶個大肚腩頂住咗，根本做唔到。減你睇 47歲嘅鄭多燕， fit到漏呀！

呵呵，一向有跳開「鄭多燕」嘅媽咪姐睇到好興奮，幾想跳埋一份呀！不過，前一日因黑雨而差啲落唔到機嘅小寶，唔知係咪嚇親，全程有啲雲遊，猛𥄫鄭多燕都係跟唔到個 beat！扮慣女人嘅祥仔反而跳得輕輕鬆鬆。真係唔好嫌媽咪姐長氣，小寶，你依家先 28歲，努力啲跳「鄭多燕」減減出面大把靚仔等住你㗎。

同場加映

人人都想 fit！好似黃百鳴同方力申咁，佢哋無跳「鄭多燕」，但就鍾意用健康產品，仲同成班靚女出席品牌活動， so happy！

鍾意就快D Share啦！

下一篇 》