[忽然1周 975] 哥哥離世 11年 唐唐有嫩男陪打波 唐唐,唐鶴德,BKD_S,MW,

跑馬地練波

已經 5字頭嘅唐唐，面容有啲憔悴，但打波有氣有力，經常跳飛扣殺，反而嫩男喺場邊行嚟行去，掛住傾電話。

媽咪姐

哥哥離世 11年　唐唐有嫩男陪打波

由零開始，偷偷想到落淚！ 03年 4月 1日傍晚 6時 43分，哥哥（張國榮）喺中環文華酒店躍下輕生，大家一定唔會忘記呢一年嘅愚人節。

其他影片： >>哥哥離開十一年　唐唐有六呎男陪打波 >>哥哥，我哋記得你㗎

哥哥離開咗我哋 11年，但大家依然好懷念佢，哥哥嘅摯愛唐唐（唐鶴德）都一樣，傷痛 11年，今日依然單身。不過媽咪姐早前見到唐唐暫別傷痛，到跑馬地打羽毛球，在場仲有一位六呎嫩男！

球場上，瘦削嫩男不時扯起件衫，搞到唐唐打波都打到分曬心。後來佢走咗，可以專心打波嘞！

唐唐司機原本諗住車嫩男，車門都打開咗，不過最後佢都冇上車，轉搭的士。

北角又打

即使沒有嫩男陪打羽毛球，唐唐一星期至少都打三次羽毛球，風雨不改。這天就約咗女教練喺北角渣華道室內球場練習。

其實羽毛球係哥哥同唐唐嘅共同興趣，以前成日約埋波友操波。現在，物是人非。

當日約下午三時，唐唐坐哥哥生前一直沿用嘅「 339」車牌黑色車，由大潭寓所出發去跑馬地室內運動場。原來係約咗一位女士打羽毛球。本來打波冇乜特別，但睇睇嚇發現，有位廿幾歲嘅六呎嫩男一直陪住唐唐打波！佢全程冇落場，純粹陪打，做嚇啦啦隊幫唐唐打氣咁啦。媽咪姐見佢哋不時有眼神交流，有時又會傾兩句，嫩男仲無端端扯高件衫騷腹肌㖭！過咗一粒鐘，當大家以為佢哋有下場嘅時候，嫩男獨自離開球場，散水！唐唐嘅司機好識做，想車佢走，不過型男最後都係搭咗的士，返咗大坑屋企。

每年 4月 1日，中環文華東方酒店都會俾哥迷喺酒店旁擺放鮮花致祭。周二（ 1日）傍晚 6點幾，世界各地嘅哥迷包括北美、中國、日本、韓國等都有送上鮮花，現場亦有大批哥迷徘徊懷念哥哥。

周二（ 1日）晚上 6:43pm，康樂廣場舉行默哀晚會，有近二百哥迷在場悼念哥哥。天空下著毛毛細雨，令氣氛更傷感。當現場播放 Leslie歌曲時，多位哥迷都忍唔住流淚。

唐唐雖然有嫩男陪打波，但媽咪姐一心相信佢哋只係普通朋友啫。因為唐唐如果要搵番「哥哥」級數嘅男人，其實好難。唉，風繼續吹，不忍遠離。

哥哥， miss you much！

群星念哥哥

03年，張國榮義助 Twins拍 MV〈你最紅〉，成為佢最後一次拍攝的 MV。今年阿 Sa就喺微博 post出當年片段，欷歔。

有啲估唔到古巨基都係哥哥忠實粉絲。佢喺網上 post出哥哥絕版大碟，仲連自己嘅微博頭像都變為哥哥張相。

鍾意就快D Share啦！

下一篇 》