陳法拉直認，聽過內地投資者指明要強國女星做《衝》電影版女主角，難怪佢打定輸數，疊埋心水接騷搵錢。
滾熱辣
贍養費縮水《衝上》被飛 陳法拉跑商場騷養自己
不再與無綫續約的陳法拉，本來以為有男主角張智霖力撐，齊拍《衝上雲霄》電影版，靠此戲開拓大陸市場，錢途無限。可惜《衝》片後來加入內地資金，投資者講明要用內地花旦做女主角，法拉最終冇得留低，亦因此失掉不少搵人仔機會。
一直傳陳法拉離婚向夫家索千萬贍養費，不過據知早前薛老太出招，令法拉贍養費大縮水，就連昔日給法拉用的七人車及司機都收番。
本身冇物業的法拉，仍以 5萬月租何文田半山壹號，加埋助手及生活費每月坐底要十多萬，現在惟有靠跑商場騷自力更生。
早前返美國放足一個多月假期的陳法拉，近日已正式回港全力投入工作。最近有報道指她黐靚靚，務求當上電影版《衝上》女主角，其實這部由寰亞及邵氏合作的電影，男主角除有張智霖及吳鎮宇外，還會加入古天樂。雖然 Chilam力撐陳法拉做女主角，但因龐大資金來自內地，而內地投資者指定要強國花旦做女主角，故監製梁家樹最後惟有妥協，飛起法拉。
21/3中環出巡
上月 21日，陳法拉約咗胡蓓蔚及李亞男行中環。三人去到 Cafe買麵包醫肚，陳法拉同李亞男仲傾到雞啄唔斷。
Chilam力撐無效
知情者說︰「其實，梁家樹同鎮宇都唔鍾意佢（陳法拉），嫌佢戲屎兼要求多多。不過法拉冧得掂 Chilam，佢又講《衝上 2》因為 Chilam先破例拍 kiss戲，所以 Chilam幫法拉講盡好話。梁家樹本來都心軟，但內地資金講明要用內地花旦，大家都冇 say始終內地票房重要過一切！」知情者說。
陳法拉靠電影版打入內地市場的計劃最終泡湯。雖然她已簽了陳慧琳的經理人鍾珍，但冇劇冇電影，現時惟有頻頻跑商場騷賺錢。不過她企硬騷價十萬，今年經濟又轉差，只能接到大牌子的工作。公關爆料︰「法拉個價企得好硬，依家又唔會太性感，加上冇劇上，比起以前高峰期，依家更難搵食。」
28/3素顏嘆茶
拍完《衝 2》後，陳法拉同 Chilam老婆靚靚 friend咗，兩人嘆下午茶，不時傾到眉開眼笑。當日其實伍姑娘同黃佩霞都在場，陳法拉後來透露，當日眾人係約埋做瑜伽。
收車收司機
陳法拉與薛世恆去年離婚時，雙方達成共識保持低調。有傳她向前夫索千萬贍養費，不過事與願違。
「佢哋兩公婆本身都無物業，結婚時都係租樓住。即使薛生嘅公司手持五億物業，但全部屬於家族嘅。老人家都唔俾樓個仔揸手，離咗婚嘅新抱又點會有樓。薛老太與法拉關係一向麻麻，個仔同新抱搞清手續後，薛家俾法拉用嘅七人車同司機亦已經收番。加上法拉都有賺錢能力，贍養費唔會多。」知情者說。
唔換手袋
連續兩星期去中環約朋友，陳法拉都係用同一個手袋。本周二出騷，佢都繼續用同一個「 Michael Kors」手袋，價值一萬元。
的士租車代步
上星期五（ 28日），陳法拉在中環做完瑜伽，與袁詠儀及伍詠薇等人嘆完下午茶後，約五時半左右，便獨自坐的士返回何文田半山壹號寓所。現在她出席活動，亦以租車代步。
本周二（ 1日），陳法拉出席活動，她承認痛失女主角一事。問到是否因為有內地資金指定要內地花旦做女主角？她表示︰「聽過！聽過！（梁家樹同你講？）聽過！」是否覺得可惜？她說︰「唔關事，因為大家咁關注，到依家都仲問緊，大家都鍾意，電視版起碼成功啦，我有份參與，已經好開心！」對於開拓大陸市場因而受阻，她無奈說︰「冇㗎！要天時地利囉！」
最後當記者問到收車及贍養費縮水一事，她的助手已擋駕。之後本刊致電陳法拉，惟至截稿前仍未回覆。
法拉隨時得個吉
謝偉俊律師（小圖）指出，法庭決定贍養費時，會視乎雙方賺錢的能力及需要，以保持本來婚姻期間的生活狀況及條件為原則。一般來說，如果女方離婚後能夠獨力賺錢，即代表依賴男方的程度減低。
謝偉俊說：「如果女方離婚後可以自力更生，而她的生活水準與婚前相差不大，所獲的贍養費也不會太多。」
離婚女人靠自己
今時唔同往日，離婚女人唔使靠前夫供養，她們的經濟能力往往可以自力更生。
|
鍾意就快D Share啦！
|
|
|