網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年4月14日 星期一

【金像獎】顏卓靈失落影後唔失望: 輸畀章子怡型到爆! 子怡,顏卓靈,熱門,金像獎,章子怡,




【金像獎】顏卓靈失落影後唔失望: 輸畀章子怡型到爆!

2014-04-14 15:42:00



顏卓靈話輸咗影後都唔失望。(攝影:溫敏芝)

噚晚金像獎初生之犢顏卓靈(Cherry),越級挑戰爭影後,雖說都輸咗畀章子怡,但係《狂舞派》喺頒獎禮都拎到3個獎,所以《狂舞派》嘅台前幕後,亦有舉行慶功宴,噚晚慶祝完,今日Cherry就要即刻開工喇。

今日Cherry出席母校浸會大學一個活動,講到噚晚《狂》6個提名中,贏咗3個獎,Cherry話好開心,問佢攞唔到奬會唔會失望?佢話:「冇失望嘅、學黃修平話齋,輸比章子怡型到爆,輸比佢喎。」講到張家輝噚晚喺台上叫Cherry等下先,佢即話:「認同,要演10年先演得好。」

Cherry話噚晚玩到兩、三點就走先,因為今日要做嘢,仲話去到慶功時,都係叫暖水飲,因為噚晚嗌到喉嚨痛,問到BabyJohn有冇飲醉酒?佢話走嗰陣,佢哋仲好清醒,同埋BabyJohn噚晚一落台,心情已經平伏番,冇再喊。

Cherry又話噚晚唔捨得瞓,因為好回味,問佢0依家係咪仲喺金像獎個mood?佢話:「有少少呀,由初初拍《狂舞派》到0依家好似發夢咁。」

有份提名咁會唔會加片酬?Cherry笑住話:「我又冇攞獎,做咩加價?雖然今次有份提名,但呢啲由公司決定,我呢個年齡有適合嘅戲已經好好。」

問Cherry頭先同學有冇恭喜佢?佢話:「未呀,但有同學望住我陰陰嘴笑。」



今日佢出席浸大嘅「狂素派派對」。



Cherry話加片酬呢樣嘢,要由公司決定。





鍾意就快D Share啦!