【短片】Cammi BB帶埋富家男友玩自拍 影咩好？
2014-04-16 02:23:00
Cammi BB帶埋富家男友玩自拍 影咩好？
自拍到神乎奇技，不時將作品放上網嘅O靚模謝芷蕙（Cammi），最近獲新開嘅自拍館邀請成為代言人，今日佢就喺自拍館親身示範自拍，先後換上美少女戰士同卡通貓兩個造型。
自拍到獲邀成代言人，Cammi原來係未去過自拍館影相，佢話:「遲啲有機會帶埋男朋友上嚟影嚇相，平時男朋友都留意我工作時影嘅Cosplay相，不過佢自己就唔會，我都未試過專登著畀佢睇，平時見面都係便服。」
至於佢個富二代男友會否抗拒BB性感造型呢？Cammi BB就指男友都會唔鍾意，加上自己一向底線都係背心短褲，之前有人搵過行泳衣騷，不過都婉拒咗。
Cammi BB近期似乎刻意減少幕前工作，佢指自己因為健康問題，尤其係胃部，聽醫生建議唔好成日周圍飛同捱夜，現時都係以網上時裝店為主，同樣做時裝生意嘅男友都有畀衫佢喺網上賣，希望遲啲同朋友夾錢開舖。
攝影:葉君海
|
鍾意就快D Share啦！
|
|
|
