[FACE 360 外地娛樂] 動 Baby 孫妍在 Baby,孫妍在,Angelababy,MF,

今年 19歲的孫妍在，擁有 5呎 5吋半身高。由於天生童顏，加上五官標致又上鏡，所以甚受韓國學生哥歡迎。

韓面

動 Baby

韓流近年席捲全球，除 K-pop及韓劇之外，連韓國體育界都出現唔少巨星，最近人氣最爆必屬今年 19歲的體操女神孫妍在。

最近於藝術體操世界葡萄牙里斯本站勇奪個人全能金牌的孫妍在，唔只玩體操夠動感，最重要樣子甜美，身材高䠷，加上品學兼優，被韓國學生哥封為女神。呢個動 Baby你 like唔 like？

孫妍在　體操才女

剛於上週日（ 6日）捧走世界盃藝術體操世界盃葡萄牙里斯本站勇奪個人全能金牌，成韓國歷史上藝體最強的孫妍在，今年才 19歲。由於個樣靚得來又可愛，同「冰上女王」金妍兒一樣勁受廣告商歡迎。

不過妍在除靚女之外，更係高材生，目前就讀韓國著名學府延世大學，精通英語等四國語言。品學兼優的妍在，成為唔少韓國學生哥的女神，人氣追貼金妍兒。雖然又靚又叻，但妍在一直零緋聞，有傳是妍兒要求過高，但實際原因其實是妍在既要返大學又要比賽，根本冇時間識男仔。

今時今日，妍在的人氣跟明星看齊，但她表示自己根本沒有興趣做明星：「我好似冇乜演藝才華，我最大夢想係想同其他人一樣，過校園生活。」

妍在唔係得個樣，上週更於藝術體操賽世界盃，捧走個人全能冠軍，真正有樣有實力。

體操場上，妍在化妝誇張，表現成熟，但私底下，佢就變回 19歲少女，一對長腿更引死人，閒時亦鍾意黐住朋友行街 shopping。

由於樣貌甜美，喺韓國已經入曬屋的妍在，更被韓國人當偶像明星咁追捧，連娛樂潮流週刊《 HIGH CUT》都搵佢影封面。

雖然唔係明星，但妍在經常被電視台邀請上節目亮相，人氣絕對不比明星低。

金妍兒　冰姐退役

至於 23歲的金妍兒， 7歲已開始學玩溜冰，由 02年第一次參加國際花式溜冰比賽開始，妍兒已經常摘金，更是花式滑冰史上第 1位集冬奧、世錦賽、大獎賽、總決賽、四大洲賽及世青賽於一身的女單大滿貫得主，由於有實力，加上有明星相，極受南韓國民歡迎，封她為「冰上女王」。

金妍兒每次比賽都表現鎮定，而且經常面露甜美笑容，但背後原來嘗過唔少辛酸。她曾表示，受傷後被傷痛折磨是意志的重大考驗，不過最辛苦還是每次出賽都要背負無窮壓力。金妍兒終於在今年 2月中，出賽完索契奧運後宣布退役，正式為運動員生涯畫上句號。

金妍兒結束 16年溜冰生涯，其實是踏入人生另一階段。據知退役後，已大把廣告商向妍兒埋手，下月 4日便被三星手機邀請為活動擔任嘉賓，最近更被迪士尼邀請，主唱動畫《魔雪奇緣》主題曲〈 Let It Go〉。雖然妍兒有少少雞仔聲，但難得女王開金口唱歌，唔少韓男都被降服。

廣告曬背

今年 23歲的金妍兒，身高 5呎 5吋，由於是體壇健將，身形健康，加上樣貌斯文又親切，極受韓國人歡迎。

最後一戰

有「冰上女王」之稱的金妍兒，於 2月舉行的索契冬季奧運會中摘下銀牌，之後更宣布退役，為 16年溜冰生涯畫下完美句號。

最近韓國廣告公社搞廣告好感度投票，妍兒竟然贏咗全智賢成 No.1。由於形象健康，加上氣質高貴，瑞士名表亦搵呢位冰壇一姐做佢代言人。

同是韓國體壇女神嘅孫妍在（左）同金妍兒（右）雖然經常被比較，但私底下老友鬼鬼。

除溜冰叻，金妍兒更擅長彈鋼琴、跳芭蕾舞及唱歌，最近迪士尼動畫《魔雪奇緣》，更搵妍兒開金口唱主題曲〈 Let It Go〉，咁多才多藝，唔做明星真係嘥曬。

鍾意就快D Share啦！

下一篇 》