前週五（ 4日）朱慧敏同黎諾懿喺紅館外為《愛•回家》 550集開工，據知除朱慧敏買到樓外，由於黎諾懿在律師樓兼馬家兩條線孭重飛，基本上一至五都見佢，以 5,000蚊一個騷計，月入 10萬。
真面目
多謝珍姐 《愛．回家》播到 2016 爆騷朱慧敏買 5百萬樓上車
處境劇《愛．回家》又娘又悶但長播長有，最緊要帶挈劇組人人爆騷，連一向有陣小三味嘅朱慧敏，都可以慢慢洗底做律師入埋屋。
雖然早前有報道話佢得罪珍姐，將會喺 600集後消失，查實剛以近 500萬買入將軍澳上車盤的朱慧敏，仍得珍姐器重，上週珍姐更專登宣布冇人會退出《愛．回家》，甚至有機會添食至 1,000集，有珍姐冇窮人呀！
歲朱慧敏 04年入行，多演壞女人角色，但自從前年拍《愛．回家》後，劇中飾演硬朗律師 Alex，同黎諾懿有唔少談情戲。朱慧敏加入兩年，一週五日密集式硬推入屋，開始為師奶接受。
珍姐穩軍心
兩年以來朱慧敏都喺《愛．回家》開飯，少拍其他劇。不過朱慧敏為劇中主角，每星期最少出鏡三集，計落月薪穩賺 3至 4萬，日日開工穩定朝九晚六，去年 2月時更一擲 490萬買入將軍澳清水灣半島自住，與楊思琦、陳敏之為鄰。雖然年前曾傳出佢成日教演員做戲，因而被珍姐開大會照肺，但仍無損珍姐重用。
至最近忽然傳出珍姐要將朱慧敏、蔣家旻、湯洛雯飛出局，《愛》劇亦會 600集完結，改開新劇《新愛．回家》，不過珍姐為穩軍心，上週三（ 9日）在《愛．回家》慶功宴上，等現場傳媒離場後，突然上台演講闢謠。知情者說：「珍姐趁班記者走曬先上台，佢話冇人會飛走，大家做得好好，希望集數邁向 4位數字。」珍姐撐到出面朱慧敏當然開心曬，難怪前週五（ 4日）朱慧敏同黎諾懿到紅館外，為 550集嘅《愛．回家》拍外景，現場見佢已經相當風騷。
她事後對本刊說：「多謝珍姐一直畀機會，聽完佢講我都定啲，我知嚟緊有揚明加入，會同我有感情綫，我諗我唔會咁快飛走啩，哈哈！我好抵用㗎！」
隱藏騷王
徐榮
徐榮為馬家主要演員，而且有唔少戲分提及他開的古玩店，令佢曝光機會比朱慧敏更多。平均每月 15至 20個騷，每月收入 6、 7萬，比朱多 1倍。
係人都爆
除咗一眾《愛．回家》主要演員，基本連一啲 4、 5線奀茄都會夠騷。因為只要喺一集出現一次，無論有冇對白，就會計一個騷。
撈足 20年
由 90年代《真情》到播緊嘅《愛．回家》，大部分都係由曾勵珍旗下監製孭飛，猛人身邊實有愛將，其中以林漪娸、郭少芸和馬海倫三位為珍姐最愛，每套處境劇都有份。據知 3位私下亦係珍姐麻雀腳；而劉丹就係 30多年好友，飲茶食飯訂定枱，難怪係人都要多謝珍姐。
二代接棒'08-'10
《真情》後，出現過唔少處境劇，當中《同事三分親》及《畢打自己人》亦係珍姐作品，區錦棠及徐榮成為珍姐新愛將。
|
鍾意就快D Share啦！
|
|
|
