[FACE 359] 小生怕怕 前助導大爆 TVB黑幕 吳卓羲冇品喪鬧替身 TVB,吳卓羲,MF,

吳卓羲入行多年對記者有問必答，就算尷尬問題都永冇托手踭，今次俾 PA爆大鑊唔知又會點拆呢？

真面目

小生怕怕　前助導大爆 TVB黑幕　吳卓羲冇品喪鬧替身

無綫打工出名難捱，演員有開工冇收工是常識，不過班小生花旦有錢又有面，論辛苦兼收入唔成正比，非無綫 PA（助理編導）莫屬。下星期終於有位前無綫助導（筆名：偽文豪）出書大爆喺無綫撈嘅辛酸史。

偽文豪除咗講做 PA成日俾人鬧，被導演粗口問候及製作求其外，仲爆咗吳卓羲囂張臭屎，見高拜見低踩超賤格，最緊要係本書由前無綫總經理陳志雲寫序，陳總都撐，唔似亂吹喎！

無綫辛酸史，單係 HKTV嗰班藝員都已經數唔停，但就好少有工作人員出書爆料。下星期一（ 14日）有位前無綫 PA（助理編導）、化名偽文豪（抽 Pakho水？）出書爆料，內容係佢 07年喺無綫做 PA時嘅辛酸兼藝員衰嘢！

偽文豪下週一（ 14日）出書恥笑 TVB，仲揾到唔少名人明星幫手寫序。分別有艾威、廖啟智、做過無綫編劇的黃洋達、袁彌明。最緊要係揾到陳志雲，偽文豪說：「我絕對唔係迷雲黨，係出版社嗰邊幫我手，私下絕對唔識佢。」

偽文豪做咗 7個月 PA後就主動辭職無綫，之後投身報界，現為編輯。他說：「我喺無綫做得唔錯，辭職嗰陣無綫有留我，但我真係頂唔順。」

偽文豪表示係《黑紙》成員主動撩佢出書鬧爆 TVB；《黑紙》三位創辦人亦先後在商台打工，唔怪得咁易搵到志雲寫序

「臭蝦哥堅衰！」

書名叫《 TVB血淚屎》，作者偽文豪喺 07年時做過劇集組 PA（助理編導） 7個月，拍攝過《少年四大名捕》及《大冬瓜》兩套劇。佢喺書中大爆做 PA慘況，除咗有開工冇收工呢啲全世界都知嘅事實外，書中還提及有 PA因家有喪事，卻只准請假 2天，之後開工仲要日日遭導演問候全家的慘況。最緊要偽文豪搵到前無綫總經理、現任商台首席智囊陳志雲寫序，內容應該唔會亂噏。

書中有部分內容喺偽文豪 facebook有轉載，其中更提及兩位當紅小生，林峯同吳卓羲。文章內用花名稱呼兩位分別係 Chok峯及臭蝦哥，其實一睇就知講邊個。偽文豪話林峯鍾意爆粗，又鍾意傾偈問候人老母。不過插得最勁係吳卓羲，被偽文豪鬧他見高拜、見低踩，對工作人員唔尊重等。

問到書中內容是否真實，偽文豪堅稱真實冇花假。他說：「本書寫嘅嘢，全部真實。臭蝦哥堅衰㗎！佢之後仲成日寸鬼我，又鍾意蝦其他人；反而馬國明真係好人，好錫啲細㗎！其實陳總係出版社（白卷出版社，現正出版《黑紙》，商台味濃）幫我聯絡嘅，我唔識佢嘅！」蝦哥俾你唱一唱，又有排洗底

臭蝦哥臭史多

偽文豪 fb大篇幅講臭蝦哥，雖然揞名爆，不過一睇就知講緊吳卓羲。內容除咗話服裝姐姐㓤親佢，仲話羲哥嫌自己替身臭添。

擦監製鞋

㓤親爆粗

鬧替身臭

另一位唱 K好兄弟林峯亦被偽文豪唱，話佢講嘢好爛口，仲要經常問候人哋老母。

唱林峯勁爛口

林峯一向斯文靚仔，不過偽文豪就話佢原來粗口橫飛，鍾意問候人老母，唔會啩！

求其膠劇

偽文豪仲話無綫場地設計師是是但但，當年拍攝古裝劇《大冬瓜》明明 book咗要唐狗，最後求其畀隻金毛尋回犬。

無綫多嘢爆

黃婉曼被迫密實

11年黃婉曼出了本《天氣女神．私密報告》，爆自己喺無綫做主播時，被高層鬧太性感，更重新安排所有衫畀佢著，要佢密實。

譚玉瑛爆寃屈

剛被無綫轉合約的譚玉瑛，由《放學 ICU》台柱，變《東張》主持，早前接受訪問時仲自爆，將會喺下半年出書講自己喺無綫 32年嚟嘅寃屈。

鍾意就快D Share啦！

下一篇 》