2014年5月26日星期一

背李心潔攬啜0靚模網民鬧爆彭順：賤男﹗ 彭順,李心潔,

【彭順偷食】背李心潔攬啜0靚模網民鬧彭順做賤男責Liddy破壞人家幸福

2014-05-26 19:30:00

網民知道彭順偷食後，喪鬧佢係賤男﹗

彭順大前晚被本報發現背住嬌妻李心潔，與26歲嘅0靚模李悅彤（Liddy）密會，報道經廣泛流傳後，網民都留言力撐心潔，仲鬧爆彭順係賤男，啲留言真係相當「精彩」﹗

近年李心潔長居馬來西亞照顧繼女，彭順就留喺香港籌備電影，有時間先會返去探下老婆同女兒。兩公婆聚少離多，但點諗到彭順會趁留喺香港嘅時候，做啲咁嘅事吖？有網民就話：「唉，你老婆又靚過佢又照顧你女，咁都出去偷食﹗你真係不知足呀你，賤男！」

又話：「唉，老婆幫你照顧繼女，你就風流快活。」仲有網民表示：「人地幫你湊女，你就去消遙快活，賤男！」

另外，亦有網民鬧彭順，話佢偷食都唔行遠啲，去埋啲咁多人嘅地方：「賤man.. 光明正大偷食。」﹑「點解偷情都地面化咁賤格？」今次網民一面倒都係力撐李心潔，而心潔同佢一班好姊妹好似梁詠琪及楊采妮等都未有出聲。

網民除咗鬧爆彭順，亦喺李悅彤微博留言，爆粗鬧佢係第三者，破壞人家幸福，仲話以彭順年紀，根本做到佢老竇，又問點解可以光天化日下做啲咁嘅事？