[忽然1周 982] 新加坡生活曝光 栢芝半桶水英文教仔 MW,

近年栢芝和 Quintus（左）及 Lucas（右）秤不離砣。去年到加拿大度假，她亦是一拖二。《 FACE》圖片

滾熱辣

新加坡生活曝光　栢芝半桶水英文教仔

去年，張栢芝帶住 6歲的 Lucas（謝振軒）及 4歲的 Quintus（謝振南）移居新加坡。為了令兩子能夠入讀當地好學校，張栢芝便勤做義工，為兒子「攞分」。栢芝因為做義工廣結人緣，更被好友拍下生活片段，放在 Instagram。

本刊從這些私片中發現，望子成龍的栢芝，為谷兒子兩文三語，平日與兒子溝通只用英語及普通話。不過，事實是栢芝不但「煲冬瓜」麻麻，曾在澳洲讀書的她英語能力亦只是有限公司。

英文補習天王 Starr Lam睇過栢芝的英語片段，直言唔掂:「栢芝的港式英文，犯好多中三、中四學生犯嘅錯!」栢芝教囝囝英語，分分鐘好心做壞事！

其他影片：

• >>語法錯　口音仲錯　栢芝自創特式英文
• >>栢芝同男人咀　 Lucas向霆鋒報寸

移居新加坡大半年後，張栢芝工作銳減，現時她只剩下月尾在上海最後一集《媽媽咪呀》的錄影工作，屆時她會出席埋當地影迷為她搞的生日會，之後返回新加坡湊仔。

栢芝在新加坡不時被網友披露行蹤，每次她總是與兩子同行。「 Lucas同 Quintus都好掛住香港嘅朋友仔，有問過媽咪幾時返香港。栢芝唔想佢哋唔開心，所以去邊都帶埋佢哋，一來怕佢兩個悶，二來都希望囝囝識多幾個新朋友。佢想個仔學好兩文三語，所以平日同兩個仔大部分用英語同普通話傾偈。」知情者說。

冇王管

雖然有心教仔，不過栢芝任兩子在商場玩滑板，又搞到 Lucas學老竇霆鋒咁[!8AD8]腳，冇乜禮貌喎。

栢芝僅中三水準

本刊發現幾段栢芝在新加坡的生活片段中，有她化身侍應，到當地朋友的餐廳幫手，亦有些是她同囝囝講英語的片段。片段中，清楚聽見她對住 Quintus和 Lucas說：「 You guys eating and playing lego」。

本刊找來英文補習天王 Starr Lam聽栢芝講英文，他直指栢芝文法同發音都唔掂：「栢芝講港式英文，犯好多中三、中四學生犯嘅錯，會 missed a verb，例如呢句正確應該係『 You guys are eating and playing Lego』，佢仲有好大進步空間！」有心教仔係好，不過都要睇能力，栢芝似乎要搵專家幫手！

另一段栢芝接受韓國電視台訪問時，她形容一些人：「 The people are very chew（咀嚼） and patty（油灰）。」 Starr Lam指栢芝發音唔準，她應該是想講那些人很「悠閒」（ chill）及「喜愛派對」（ party），但因為她欠「 L」音，引起誤會。

陪實兩子

栢芝移居獅城後，經常會帶一對寶貝仔到老友開嘅西餐廳打躉。

Quintus一路玩 lego一路食嘢，好唔專心喎。

客串侍應

今時今日嘅栢芝，衣著樸素，唔介意到老友開嘅餐廳做義工侍應，收完碟仲向鏡頭伸脷，勁 cute。

鬼馬嘅栢芝走入廚房搞搞震，佢表演一秒切一塊嘅刀功，之後仲笑到碌地，少女味忽然返曬嚟。

親手為子拔牙

栢芝近日出席內地節目《媽媽咪呀》時，苦口婆心勸懐孕參賽者切勿跳舞，又自揭自己曾流產 4次。

決心當好媽媽的栢芝又指︰「我大兒子（ Lucas）前天牙齒掉了。他從第一顆牙齒掉到現在，我都沒有帶他去看醫生，都是我自己幫他一顆顆拔出來。」

為了多點時間照顧兩子，栢芝自言行事小心了很多。「我每件事情都會想到他們，考慮到他們，不會像以前般瘋狂。我今天病得要命，但是我還要陪他們過生日、過母親節。」

昔日大膽瘋狂的栢芝，現在為兒子修心養性，果然是有子萬事足！

為子拔牙

在內地節目《媽媽咪呀》栢芝大爆同 Lucas相處之道，更自言一直以來都是自己為 Lucas拔牙，母子感情極好。

帶病上陣嘅栢芝，因助手誤將安眠藥當作感冒藥，搞到栢芝錄影《媽媽咪呀》時瞓著了。

玩完又玩

栢芝好鍾意帶兩兒子去主題樂園同泳池，不時被網友拍下行蹤。她更將 Quintus打扮成 Angry Bird，十分搞笑。

栢芝爆 Lucas不愛看她的電影，因為她多演慘情角色。不過有次 Lucas無意在電視中看到她與古天樂 kiss嘅戲，更向霆鋒篤她背脊，話媽咪「同一個好黑嘅男人 kiss」。

霆鋒同栢芝離婚 3年，兩個仔話就係共同撫養，不過大多時間都係栢芝湊細路，霆鋒間唔中先會去探下對寶貝仔。圖片

Lucas好過栢芝

在栢芝新加坡的生活片段中，栢芝不時大曬英語。栢芝除了文法唔好，英文補習天王 Starr Lam仲話：「栢芝搞錯英文眾數，例如佢話 one pieces，其實因為係單數，係 one piece至真。另外佢想讚人『 You are pretty』，但就讀咗『 You are pity』，由『可愛』變咗『可憐』，意思差天共地。」

Starr Lam反而覺得 Lucas講英文講得唔錯：「佢囝囝（ Lucas）講嘅係美式英文，發音標準，佢應該喺一間幾好嘅學校學，講得好過媽咪。」

Lucas開心說：「 We are in a restaurant！」被 Starr Lam老師讚講英文發音標準。

早前栢芝以英文接受韓國電視台訪問，不過栢芝發音唔準，將「 pretty」讀成「 pity」。

外語唔掂

唔少明星都只係講母語叻，講外語就唔多掂。以下三位，都成為惡搞對象，為網友帶來唔少歡樂。

吳卓羲

吳卓羲將「 Johnny Depp（尊尼特普）」讀成「 Johnny Deep」，又將「 my favorite」讀成「賣飛佛」，後者成為經典笑料。

古天樂

拍輪胎廣告時，古天樂用廣東話讀出「省姐卵，卵胎卵」，但事實上他想說的是普通話「想節能，輪胎能」。唔睇字幕，實在諗爆頭都不知他想說甚麼。

黃曉明

黃曉明 2010年曾在一個汽車品牌活動上，以英語致詞：「 When I was a kate(kid), my family was pore(poor)......so I didn't need(to) still(steal) one animal(anymore)。」

鍾意就快D Share啦！

下一篇 》