媽咪姐
林小明放生江若琳
上月，江若琳同林小明因為合約糾紛隔空開火。江堅稱自己入行十年一個仙都冇落袋，決意唔再續約寰宇，但寰宇老闆林小明就話公司有優先續約權，強調唔會放生對方，仲寸佢扮可憐博同情。合約其實喺 5月 2日到期，係時候有個了結。
態度強硬嘅林小明，一直認為單方面簽約可以綁死一個藝人，不過佢喺合約到期前，竟然冇正式簽署任何一份文件。換句話說，林小明經已決定放生江若琳，雙方再唔係賓主關係。
據知重獲自由嘅江若琳，趁呢段敏感時期休息一個月，希望事件淡化後，再出山𢱑撈。聽講現時有唔少經理人公司向佢敲門，不過佢瀨過嘢知驚，暫時唔敢再簽約，自由身一段時間喎！媽咪姐就呢件事搵過江若琳，不過未有回覆。
|
鍾意就快D Share啦！
|
|
|