探熱針
無大無細 嫌三嫌四 秦沛仔女得罪杜琪峯
去年現身政總撐港視發牌的導演杜琪峯，唔止聲援咁簡單，近日開拍電影《華麗上班族》，除有周潤發、張艾嘉、湯唯等巨星坐鎮，亦特登俾機會一班冇工開的港視人參與演出，包括黃日華女兒黃芷晴、石修兒子陳宇琛、秦沛一對仔女薑文傑及薑麗文等。難得泊到杜 Sir大碼頭，但薑氏兄妹居然不滿電影公司只遷就巨星檔期，搞到開工時間一改再改，又嫌一千蚊一組戲出手低而諸多怨言。大好機會唔識珍惜，電影公司索性飛起薑氏兄妹，免煩。
意見多多
由杜琪峯執導的新戲《華麗上班族》，上月開始在廣州進行拍攝，由於電影以歌舞形式為主題，男主角是唱得跳得的陳奕迅，其他戲中演員亦要求有一定跳舞根底。
「電影公司講到明，要搵真係識跳舞嘅演員，例如樊亦敏、亞視嘅張家瑩，全部都要經導演 casting，反而港視班藝人，導演堅持要俾機會佢哋，所以就算陳宇琛唔識跳舞，都一樣有份拍。」知情者說。
杜 Sir開綠燈，偏偏有份拍《華麗》的秦沛一對仔女薑文傑及薑麗文，就因為無大無細，被電影公司飛出局。
「其實 Benji（薑文傑）一直都係咁麻煩，之前喺無綫，因為諸多要求，咩都同導演拗一餐，搞到冇監製用佢。今次拍電影又嚟料，投訴電影公司嘅期成日改，咁大家都知 Eason喺國內開緊巡迴演唱，逢星期六、日唔可以開工，加上張艾嘉、周潤發全部都係大忙人，做細嘅，邊有得揀，佢細妹 Lesley又係唔識撈，唔肯俾時間出嚟排舞，飛起佢兩兄妹，大家唔使煩。」知情者說。
嫌錢少
兩兄妹嫌三嫌四，就連酬勞都嫌奀：「好老實，杜 Sir開戲一向有自己班底，今次搵港視嘅藝人演出，純粹想俾個機會，佢兩兄妹仲要咁麻煩，真係自己攞嚟衰。」
為搭建辦公室實景，電影曾一度停工，直至上週四（五月八日）早上演員再次埋位，男主角陳奕迅因要到北京宣傳個唱未有現身，當日只有湯唯、張艾嘉等主要演員開工，由於導演下令造型要絕對保密，所有演員一律禁止拍照，片場外亦有保安把風。
一班演員甚少離開片場，其間只有兩、三個大茄走出門外扯煙，由朝早九點踩到黃昏六點，換上便服的湯唯、張艾嘉先行收工離開，至於禁煙一整日的洪天明，甫行出片場便在門口拉筋兼扯煙，鬆一鬆。
|
鍾意就快D Share啦！
|
|
|