沒有做幕前的 Gigi，塊面反而比之前拍戲更加 V，據知她經常會試用公司激光射頻緊膚儀器。
探熱針
晚晚通頂 V面黎姿瞓身開鋪
自從下嫁馬廷強全面退出幕前，黎姿除忙於打理馬家大小事務、專心照顧三個寶貝女，還要抽時間睇住皮膚診所生意，堅持樣樣事都要管，每日定必分配時間返工。
最近黎姿加碼投資二千萬，在中環甲級商業中心開設二千多呎分店，並親自做白老鼠，試用所有新儀器。上星期六（五月十七日）黎姿趁三個女上興趣班空檔，到中環新鋪巡視業務。就快四十三歲的黎姿，現場所見面上零皺紋，生完三個女依然保持住 V煞面，羨煞旁人。
親自巡鋪
上星期六（十七日）下午二時，黎姿（ Gigi）安排好三個囡囡上興趣班，趁有幾小時自由時間，乘坐七人車離開梅道寓所，前往中環雪廠街一幢商業大廈，巡視在上月中才裝修好的首間 CosMax診所分店。
雖然新鋪開張，仍在試業階段，但 Gigi相當緊張生意額，見她在接待處向職員查詢當日 booking，發現所有時段全部有客預約， Gigi表現得極之開心，還以老闆娘身份鼓勵員工：「幫我同啲同事講辛苦曬大家，我知道你哋好攰㗎！」
之後 Gigi到新鋪另一邊巡視，行到去裝有燈光背板的大藥櫃， Gigi顯得有點緊張，擔心燈泡熱力過高有機會影響藥物品質，於是問當值護士了解情況，並伸手入櫃，親身感受背板的溫度，雖然熱力不算高，但 Gigi依然唔放心，叮囑護士，記得搵醫生深入研究溫度問題。
投資二千萬
首次開分店， Gigi一共投資了二千萬，除了每月鋪租要四十多萬，其餘大部分資金主要引入新款美容儀器，另外自從成為母親後， Gigi特別關注小朋友健康，於是增設 BB醫療激光服務，幫小朋友去除胎痣，改善皮膚過分色沉症狀等 BB做療程。
「 Gigi好瞓身去搞呢間鋪，之前成日同啲同事開會，傾到淩晨一點先收工，佢又要兼顧湊女，所以每晚六點，都會返屋企交人，陪老公同三個女食完飯，講埋古仔氹女瞓覺，又再仆返公司繼續開會。」一名診所職員說。
就快踏入四十三歲，但黎姿無論樣貌同身材，依然保養得宜，面上零皺紋之餘，更擁有女人們最愛的 V煞面。
「因為 Gigi要做生招牌，當然要 keep好啲，每次有新機推出，佢會第一個舉手做白老鼠，親身感受嚇效果得唔得，佢話如果自己冇試過就叫啲客去做，萬一效果唔好，佢會過意唔去喎。」 Gigi身邊人說。
當場灑淚
本週二（二十日）， Gigi的新店舉行開幕儀式，提到○七年細佬黎嬰發生交通意外，要她獨力繼承細佬未圓的夢想時， Gigi忍不住感觸落淚。
「當年我細佬遇到意外，命運驅使下接手診所生意，當時係我人生低點，我從來冇返過辦公室，亦唔識睇會計數，睇住啲數都喊，唔知點好，細佬昏迷頭三個月，我不停匯報診所嘅事俾佢知，細佬聽到公事嘅情況，都會有反應……我唔想放棄佢一番努力，默默等佢有朝一日可以好番，企起身同大家講嘢。」 Gigi說。
講完細佬， Gigi亦破例講老公馬廷強及三個寶貝女，「依家生活好充實，除咗瞓覺嗰八個鐘，其餘時間就係家人、老公、公司、接小朋友放學，陪佢哋遊水。（老公生意上有冇俾意見？）佢有時見我做嘢做到半夜，就好心痛，問我點解唔瞓覺，點解繼續經營診所，點解要堅持，不過最後佢都俾我感動到，支持我！」
有賺有蝕
藝人愛從商做老闆，雖然「明星效應」慳番唔少廣告宣傳費，但唔係個個做生意都一定成功。
|
鍾意就快D Share啦！
|
|
|