馮仁昭四圍超：蕭正楠黃翠如認拍拖 - 馮仁昭
蕭正楠黃翠如認拍拖 何傲芝：邪不能勝正
蕭正楠同何傲芝拍拖3年，最近爆出蕭正楠帶黃翠如返家過夜共聚60小時，翠如BB被指瞓何傲芝舊床，前日翠如BB出席活動仍然死口唔回應，噚晚蕭正楠就喺《東張西望》直認想同對方發展，明益公司節目。
■蕭正楠同黃翠如拍劇撻著，女方仲去男方家過夜。微博圖片
噚晚蕭正楠喺節目話：「翠如受到好多壓力，自己要出嚟講嘢，我哋拍劇認識，佢係用心做嘢嘅女仔，好純，我哋好夾好有默契，之後翠如飛咗好多地方拍嘢，我哋通電話聯絡，大家感情越嚟越好，我希望有發展空間，好難得遇到咁好嘅女仔，呢件係大件事，入行第一次喺鏡頭面前追女仔。」蕭正楠更否認翠如BB係小三：「佢絕對唔係小三，我已經單身一段日子，冇小三小四小五。」
■蕭正楠直認同黃翠如發展中，猛叫大家畀空間佢。
避談何傲芝
另外，蕭正楠喺將軍澳接受訪問，問到驚唔驚成為宅男公敵？佢話：「翠如係宅男女神，我都係宅男，好難得見到一個女仔純得咁交關，所以自己先咁大膽希望同佢有發展，如果成為宅男公敵都冇法，係有啲冒險。」佢又否認纏綿60小時，話報道over咗，問點解唔認前女友何傲芝？佢就避而不答，力撐新歡：「為好朋友（翠如）冇所謂，兩脅插刀。」
撰文：馮仁昭
■蕭正楠同何傲芝當年因為撞車，令戀情曝光。
資料圖片
|
鍾意就快D Share啦！
|
|
|