醫委會過母親節押後宣判 張崇德頭痛：好失落
醫委會過母親節押後宣判 張崇德：好失落
張崇德與太太劉美娟的長子張天藍，九年前出生26小時後不幸夭折，他們多年來向醫委會投訴要求調查，醫務委員會原定於前日宣判，決定涉事醫生蔡明欣及尹錦明是否專業失德，但最終因為免礙醫委會過母親節，要押後兩周才宣判。
張崇德昨日與戚黛黛在北角為DBC數碼台節目做錄影，本來心情平靜的他提起這事，即顯得一臉凝重，他呻道：「心情好複雜，真係好頭痛，同單case有關，件事發生咁耐，但又好似好近咁，期待會有結果一刻，突然知道冇，心情真係好複雜，亦好失落，應該畀個答案公眾，𠵱家又要等，唯一慶幸母親節可以同媽咪食飯，因為原先以為全日都畀曬等審議結果。」
■張崇德表示會與太太互相扶持，並肩同行。
■張崇德收拾心情投入工作。
■張崇德與太太劉美娟在長子出世時拍了張全家幅，可惜長子出生26小時後不幸夭折。
「只係想要個答案」
未能於母親節得到交代的張崇德夫婦坦言失望及無奈，劉美娟前日現身醫委會時談到九年來為兒子夭折一事作出申訴的漫長折磨時，忍不住落淚。張崇德感慨說：「件事點叫成功、點算係失敗？我真係唔識分，只係想要個答案，同太太亦只可以行到呢一步，惟有等25號（本月）個結果出嚟。」崇德被問到太太此刻的心情如何？他嚴肅地說：「佢同我嘅心情一樣咁複雜，但我哋會互相扶持，有乜事都會一齊行落去。」
採訪、攝影：卓寶花
|
鍾意就快D Share啦！
|
|
|