網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年5月20日 星期二

八両金八両菜和好又喊又笑




八両金八両菜和好又喊又笑



其他影片: >>










夫妻決裂逾十年後團圓 八両金八両菜和好

現年60歲的八両金(原名葉競生),人生最糟糕是97金融風暴,經濟陷困境,老婆八両菜(何顓彤)又於99年走佬,夫妻決裂逾十年。大前年八両菜忽然現身尋仔,八両金放下怨恨讓母子重逢,八両金日前接受本報專訪憶述當年傷痛而爆喊,看到兒子重獲母愛,八両金又破涕為笑。

現已60歲的八両金,九十年代在影圈冒出,即以周身粗金鏈金戒指塑造行頭響朵。當年意氣風發拖妻兒亮相,但97年金融風暴,八両金投資覆沒,經濟陷困境,大難臨頭,八両菜於99年狠心拋夫棄子。夫妻決裂,八両金與當年僅4歲的「八両仔」葉小霆相依為命。據知八両金已低調跟前妻關係破冰,八両菜三年前趁八両仔16歲牛一,突擊接放學,希望修復失落多年的母子情。八両金也放下恩怨,與前妻冰釋前嫌,一家三口不時聚會,八両仔重獲失去的母愛。



■八両菜何顓彤現終於跟八両金冰釋前嫌,一家團聚,八両金還將全家福儲存於手機。

咬實牙關捱大個仔

八両金於97年時炒樓炒股,他自稱身家過億,遇上金融風暴,財產由億變零。八両菜其後更幾次離家出走,夫妻關係水火不容。八両金不但要養育年幼囝囝,同時又要供養年邁母親。98年更傳出八両菜到日本夜場工作,八両金情緒大受困擾,他日前帶著轉眼19歲的八両仔在中環接受訪問,回憶過去辛酸,他忍不住爆喊說:「嗰時我窮到戶口唔夠一千蚊,我已變賣曬所有金器,又冇工開,我有諗過抱埋個仔結束自己,睇到電視有勸人防止自殺宣傳,我打熱線電話又冇人聽,去慈善機構求助又唔受理。一無所有行到盡頭,絕望無助。最後我決定振作,咬實牙關捱大個仔。」



■八両金(右)獨力撫養兒子葉小霆長大成人,父子感情特別深厚。攝影:陳志嵐



■八両金憶述當年的痛,忍不住爆喊。

八両金也沒想過人生會再遇到八両菜,彼此分開12年,及至3年前,八両菜主動到學校搵仔,八両仔回想重逢一刻:「好愕然,冇諗過會再見,我哋有陌生感覺。」隨著時間沖淡,八両金對八両菜無怨無仇,他反而鼓勵兒子與母親重建母子情,八両金說:「當時我知佢(八両菜)環境唔好,仲有叫阿仔問阿媽要唔要返嚟屋企住,我畀間房佢哋。我同阿仔講,當日分開係大人嘅事,好遺憾畀唔到阿仔開心童年。阿仔呢生人得一個阿媽,我要佢將來一定供養阿媽終老。」

八両金跟八両菜近年相處融洽,八両仔還爆料媽咪仍獨身:「佢話唔想搵另一個,就咁過一世。」問八両金可想過復合?他說:「唔會啦,我哋當年係家庭悲劇,大家唔識放手,性格唔夾就唔夾,𠵱家做朋友咪仲好,鍾意唔係一定要佔有。」從八両金、八両菜和八両仔的全家福中,看到他們笑容一致,八両菜打扮比當年樸素,近年重做地產經紀過活。



■父母團圓,八両仔開心攬著雙親合照。

搵欣宜吳孟達合作

96年憑周星馳電影《食神》彈出的八両金,多年來也是演小人物,兒子看盡爸爸在鏡頭前被糟躓,八両仔心痛說:「阿爸戲份少,好唔受尊重,我問阿爸幾時喺部戲做主角?唔得不如退出。」八両金花了半年時間籌備一部勵志電影:「我搵到內地投資者畀千幾萬我拍一部《天生我才》,自己做男主角,我會又導又演,想搵欣宜同吳孟達,預計年底拍。」

採訪:比華利

場地:Just-a-Restaurant



鍾意就快D Share啦!